Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Qeni qëllon me armë zjarri një grua. Detaje nga incidenti i pazakontë
PiranjatPërditësimi i fundit 27 Maj 2026, 18:42
Ajo po priste që semafori të bëhej jeshil, me krahun e djathtë jashtë dritares së makinës, kur një shpërthim i fortë e bëri të dridhej.
Menjëherë pas kësaj ndjeu një dhimbje therëse në krah dhe pa plagën. Duke ngritur sytë, pak metra më larg pa derën e një furgoni nga ku dilte tym: dikush me siguri kishte qëlluar nga brenda automjetit. Në sedilje, pranë armës, ishte një qen.
Dinamika e incidentit
Historia, që ka jo pak elemente absurde, vjen nga Scottsbluff, një qytet i vogël në Nebraska, në zemër të Mid-West-it amerikan. Sipas rindërtimit të policisë, një burrë kishte parkuar furgonin pranë një karburanti dhe kishte hyrë në dyqanin aty afër. Në një nga sediljet e pasme kishte lënë një pushkë gjahu me fishek në fole, edhe pse në Nebraska është e paligjshme të qarkullosh me armë të mbushur në makinë. Qeni, duke lëvizur i shqetësuar brenda automjetit, dyshohet se ka shkaktuar shkrepjen e armës.
Ndihma për viktimën
Gruaja, e plagosur në krah, u dërgua menjëherë në spital nga një familjar. Ajo nuk konsiderohet në rrezik për jetën. Policia u alarmua menjëherë dhe mbërriti në vendngjarje duke menduar fillimisht për një nga të shtënat e shumta që ndodhin çdo ditë në Shtetet e Bashkuara. Kur iu afruan furgonit të parkuar, panë shenjat e qarta të plumbit që kishte shpuar derën. Por sapo kontrolluan brenda automjetit, gjetën vetëm një qen që luante me pushkën e pronarit të tij. /PiranjatNews/
