Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
POLITIKE
Rama publikon bilancin e protestave, policët i quan “të plagosur” dhe protestuesit “të lënduar”
PiranjatPërditësimi i fundit 22 Tetor 2026, 13:21
Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e efektivëve të policisë të plagosur me atë të protestuesve të lënduar. Në tabelën e publikuar, bie në sy dallimi në terminologji: për efektivët përdoret termi “të plagosur”, ndërsa për qytetarët “të lënduar”.
Por si mund të cilësohen policët si të plagosur, ndërsa protestuesit thjesht si të lënduar, kur këta të fundit kanë qenë të paarmatosur dhe ndaj tyre, gjatë protestave, janë përdorur shkopinj gome, plumba gome gaz lotsjellës, ujë me presion, spraj me piper dhe shkelma?
Ky dallim në formulim ngre pikëpyetje mbi mënyrën se si paraqitet bilanci i përplasjeve mes policisë dhe protestuesve, veçanërisht në një situatë ku pamjet e dhunës ndaj qytetarëve kanë qarkulluar gjerësisht.
Krahas tabelës, Rama ka publikuar edhe një reagim të gjatë, ku akuzon mediat se kanë paraqitur protestuesit si viktima të dhunës dhe Policinë e Shtetit si autore të saj.
“PASQYRA E TURPIT të ekraneve televizive”, e cilëson Rama raportimin mediatik, ndërsa pretendon se Policia e Shtetit ka qenë në lartësinë e detyrës dhe se, pavarësisht dhunës së pësuar, nuk ka dalë nga misioni i saj demokratik.
Kryeministri e ka cilësuar protestën në Tiranë si një tubim prej rreth 1 500 personash në kulmin e pjesëmarrjes, duke pretenduar se ajo nuk përfaqësonte shqetësimet dhe kërkesat e studentëve dhe familjeve shqiptare.
Në reagimin e tij, Rama ka sulmuar gjithashtu raportimin televiziv për protestat, të cilin e akuzon për krijimin e një realiteti të shtrembëruar mbi ngjarjet.
