Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Reagon shefi i OpenAI pas largimit të Mira Muratit: U pikëllova por sigurisht e përkraha vendimin e saj
E.DPërditësimi i fundit 26 Shtator 2024, 19:08
SHBA- Drejtori i kompanisë OpenAI, Sam Altman, ka reaguar pas largimit të Mira Muratit. Altman e ka falënderuar shqiptaren për kontributin e dhënë në gjashtë vjetët për kompaninë me inteligjencë artificiale, ChatGPT. Gjithashtu ai është shprehur se vendimi i Muratit për tu larguar ishte pikëllues.
Ai ka shkruar në rrjetin social X se e përkrah ish-drejtoreshën e Teknologjisë brenda ChatGTP-së për vendimin, duke thënë se Murati ka ndërtuar ekip të fuqishëm që do të vazhdojë të përparojë. Altman është shprehur se kompania amerikane do të vazhdojë punën për breza të ardhshëm.
“Kur Mira më njoftoi në mëngjesin e sotëm se po largohej, u pikëllova por sigurisht e përkraha vendimin e saj. Gjatë vitit të kaluar, ajo ndërtoi ekip të fortë drejtuesish që do të vazhdojë përparimin tonë. Unë gjithashtu dua të njoftoj se Bob dhe Barrett kanë vendosur të largohen nga OpenAI. Mira, Bob dhe Barret i morën këto vendime në mënyrë të pavarur nga njëri-tjetri dhe miqësisht, por koha e vendimit të Mirës ishte e tillë që kishte kuptim ta bënim menjëherë…I jam jashtëzakonisht mirënjohës të gjithëve për kontributin e tyre”, thuhet në mesazhin e Altman në X.
Po ashtu ai njoftoi se tashmë i ka gjetur zëvendësuesit e ish-drejtuesve, derisa tha se e kupton largimin e Mira Muratit në këtë periudhë kur kompani po shënon rritje. Mira Murati pati thënë se inteligjenca artificiale do t’i zhdukë disa profesione, por disa të tjera do të shtohen.
