Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Rusia gjobit Google me 20 decilionë dollarë
E.DPërditësimi i fundit 31 Tetor 2024, 17:50
RUSI- Rusia po kërkon një shumë të paimagjinueshme parash nga një prej kompanive më të mëdha teknologjike në botë. Google i detyrohet Kremlinit mbi 2 undecilionë rubla pasi ka refuzuar të paguajë gjobat për bllokimin e kanaleve pro-ruse në YouTube. Sipas llogaritjeve, kjo gjobë shkon në rreth 20 decilionë dollarë, një shumë që tejkalon vlerën e ekonomisë globale. Për krahasim, prodhimi i brendshëm bruto global arrin në rreth 110 trilionë dollarë, sipas Fondit Monetar Ndërkombëtar, ndërsa kompania mëmë e Google, Alphabet, ka një vlerë tregu prej 2 trilionë dollarë.
Agjencia ruse TASS raportoi këtë javë se një gjykatë ruse ka urdhëruar Google të rikthejë kanalet e bllokuara në YouTube ose do të përballet me gjoba që do të vazhdojnë të rriten. Nëse gjoba nuk paguhet brenda nëntë muajve, ajo do të dyfishohet çdo ditë. Google ka deklaruar se këto çështje ligjore nuk pritet të kenë ndikim të rëndësishëm në të ardhurat e saj. Zëdhënësi i Kremlinit, Dmitry Peskov, i pyetur në lidhje me padinë pranoi se ai as që mund ta shqiptojë saktë këtë shifër.
“Gjykimet civile që përfshijnë dënime të përbëra janë vendosur mbi ne në lidhje me mosmarrëveshjet në lidhje me mbylljen e llogarive, duke përfshirë ato të palëve të sanksionuara. Ne nuk besojmë se këto çështje ligjore në vazhdim do të kenë një efekt negativ material në të ardhurat," tha Google.
Pas pushtimit në shkallë të plotë të Ukrainës nga Rusia, Google kufizoi operacionet në vend, por nuk u tërhoq krejtësisht, në kontrast me disa kompani të tjera teknologjike amerikane. Shumë nga shërbimet e tij, duke përfshirë Search dhe YouTube, vazhdojnë të jenë të disponueshme në vend.
SERBIA- Departamenti amerikan i Shtetit tha se bie dakort me Bashkimin Evropian se Serbia ka shkelur detyrimet nga dialogu i Brukselit, duke e miratuar projek...
