Scholz mbështet deportimin e migrantëve të jashtëligjshëm: Duhet të përshpejtohen, me rregullore ligjore nëse është e nevojshme...

Olaf Scholz

SOLINGEN- Kancelari gjerman, Olaf Scholz, tha të hënën se dëshiron të rrisë deportimet e migrantëve të jashtëligjshëm, disa ditë pas një sulmi me thikë në qytetin perëndimor të Solingenit.

"Deportimet duhet të përshpejtohen, 'me rregullore ligjore nëse është e nevojshme'," tha Scholz gjatë një vizite në Solingen.

Kancelari gjithashtu kërkoi "zbatimin e qëndrueshëm dhe praktik" të ligjeve ekzistuese, përfshirë ato për migrantët që aplikojnë për azil në Gjermani dhe jo në vendin e parë të Bashkimi Evropian ku ata mbërrijnë në kundërshtim me Rregulloren e Dublinit.

"Me siguri do të ketë kuptim të krijohet një grup i posaçëm për të studiuar këtë", shtoi kancelari Scholz.

Tre njerëz u vranë dhe tetë të tjerë u plagosën në sulmin e së premtes së kaluar në një shesh në qendrën e qytetit të Solingenit.

I dyshuari 26-vjeç, i cili është me origjinë nga Siria, u dërgua në paraburgim me urdhër të gjykatës, raporton agjencia gjermane DPA.

Sulmuesi, i cili dyshohet se është anëtar i grupit terrorist të Shtetit Islamik, raportohet se ishte parashikuar të deportohej në Bullgari pas mbërritjes në Gjermani në vitin 2022, por policia nuk arriti ta lokalizonte atë./ REL

olaf scholz