Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
BOTA
SHBA dërgon aeroplanmbajtësen e dytë në Lindjen e Mesme
E.DPërditësimi i fundit 2 Prill 2025, 09:29
SHBA- SHBA po dërgon një aeroplanmbajtëse të dytë me grupin e saj sulmues në Lindjen e Mesme sipas njoftimit të martën nga zëdhënësi i Departamentit të Mbrojtjes të SHBA së, Sean Parnell i cili ka përmendur nevojën për të mbrojtur transportin dhe tregtinë.
Njoftimi erdhi pasi Houthis, rebelët jemenas të mbështetur nga Irani morën përgjegjësinë muajin e kaluar për sulme të përsëritura në aeroplanmbajtësen USS Harry Truman në Detin e Kuq. Uashingtoni i cili ka nisur një seri bombardimesh në Jemen javët e fundit, nuk i ka konfirmuar këto sulme.
Houthi-t kanë shënjestruar anijet tregtare në Detin e Kuq dhe Gjirin e Adenit që nga shpërthimi i luftës në Rripin e Gazës në tetor 2023. Sipas Pentagonit të SHBA-së, USS Harry Truman do t’i bashkohet USS Carl Vinson, i cili sapo ka përfunduar stërvitjet në “rajonin Indo-Paqësor”, për të promovuar aftësinë për të mbrojtur rajonin.
Departamenti Amerikan i Mbrojtjes nuk specifikoi se ku po lundrojnë saktësisht dy forcat goditëse detare. Në të njëjtën kohë, Ministri i Mbrojtjes Pete Hegseth urdhëroi vendosjen e skuadroneve shtesë dhe mjeteve të tjera ajrore për të forcuar më tej aftësitë e mbrojtjes. Marina e SHBA-së operon njëmbëdhjetë aeroplanmbajtëse, secila prej të cilave mund të mbajë rreth tetëdhjetë avionë të llojeve të ndryshme.
