Franca dhe Spanja po përballen me një nga situatat më të rënda të viteve të fundit, ndërsa zjarre gjigante pyjore vazh...
BOTA
SHBA mund të përdorë për herë të parë një armë të fuqishme kundër Iranit. Çfarë është “Dark Eagle”?
PiranjatPërditësimi i fundit 1 Maj 2026, 18:08
Shtetet e Bashkuara të Amerikës po shqyrtojnë mundësinë e përdorimit të parë të raketës së tyre hipersonike “Dark Eagle” në një konflikt të mundshëm me Iranin.
Sipas raportimeve të bloomberg, kjo armë mund të vendoset në Lindjen e Mesme për të goditur objektiva të mundshëm iranianë, veçanërisht lëshues raketash balistike që janë zhvendosur përtej rrezes së armëve ekzistuese amerikane.
“Dark Eagle”, i njohur edhe si “Long-Range Hypersonic Weapon” (LRHW), është një nga sistemet më të avancuara amerikane të gjeneratës së re, i projektuar për sulme precize në distanca të mëdha.
Bëhet fjalë për një sistem raketor tokësor që përdor një kokë hipersonike rrëshqitëse, e cila mund të lëvizë me shpejtësi mbi 5 Mach (më shumë se pesë herë shpejtësia e zërit) dhe ka një rreze veprimi rreth 2700–3500 kilometra.
Ky sistem është projektuar për goditje të shpejta dhe precize ndaj objektivave të rëndësishëm dhe të mbrojtur mirë, si qendrat komanduese, sistemet e mbrojtjes ajrore dhe objektivat strategjikë të armikut.
Nëse vendoset në përdorim operacional në Lindjen e Mesme, do të ishte hera e parë që SHBA e përdor këtë lloj arme në terren real.
