Një qytetar ka denoncuar për Piranjat news se një person, të cilin e identifikon si Xhejsi Selenica, publikon në rrjetet sociale vide...
BOTA
Shkatërrohet karteli ballkanik i trafikut të drogës nga Amerika e Jugut në Evropë/ 40 persona në pranga, tetë ton kokainë dhe miliona euro të sekuestruara
r.llPërditësimi i fundit 13 Qershor 2024, 20:32
pamje nga operacioni
SPANJË- Dyzet persona janë arrestuar dhe tetë ton kokainë janë sekuestruar si rezultat i një operacioni katërvjeçar ndërkombëtar që synonte çmonitmin e një rrjeti kriminal që trafikonte sasi të mëdha droge nga Amerika e Jugut në Evropë nëpërmjet Afrikës Perëndimore dhe Ishujve Kanarie.
Hetimi i gjatë, i cili u drejtua nga forca spanjolle Guardia Civil dhe e koordinuar nga taskforca operacionale e Europol-it, zbuloi se një kartel ballkanik po përdorte qendra logjistike në Afrikën perëndimore dhe Kanarie për të kontrabanduar kokainë nga Kolumbia, Brazili dhe Ekuadori në vendet e BE-së.
Pasi droga arrinte në Evropë, ajo shpërndahej në të gjithë kontinentin duke përdorur qendra të trafikut në Belgjikë, Kroaci, Gjermani, Itali dhe Spanjë. Në një deklaratë të lëshuar të enjten, Europol tha se drejtuesit e organizatës së trafikut të drogës ishin vendosur përkohësisht në Turqi dhe Dubai, shkruan The Guardian. Europol tha se bashkëpunimi midis nëntë forcave kombëtare, Brazilit, Belgjikës, Kroacisë, Gjermanisë, Italisë, Serbisë, Spanjës, Turqisë dhe Emirateve të Bashkuara Arabe, kishte rezultuar vendimtare për goditjen e rrjetit kriminal.
Përfshirja e Guardia Civil filloi në shtator të vitit 2020, kur oficerët kapën një varkë me vela me flamur kroat, e nisur për në Ishujt Kanarie, e cila mbante një ton kokainë. Ata zbuluan se varka kishte marrë ngarkesën e drogës nga një anije mallrash në Gjirin e Guinesë. Komunikimet e koduara të marra nga pajisjet e tre personave të arrestuar në varkën me vela u ndanë më pas me Europolin, i cili tashmë po hetonte kartelin e drogës.
Në gusht të vitit të kaluar, Guardia Civil ndaloi një tjetër varkë, që mbante 700 kg kokainë, në ujërat e Kanarit. Informacioni i mbledhur nga ai rast tregoi se i njëjti ekuipazh italo-kroat kishte përdorur varkën njëjtë për të sjellë 500 kg kokainë nga Brazili.
Kur Europol ndau inteligjencën spanjolle me vendet e tjera partnere, doli se policia në Belgjikë, Gjermani dhe Serbi po ndiqte të njëjtin individ dhe bashkëpunëtorët e tyre. Si pjesë e hetimit në vazhdim, policia spanjolle arrestoi katër persona në Málaga dhe Tenerife të mërkurën dhe sekuestroi bizhuteri, ora luksoze, një armë, pajisje elektronike dhe 109,000 euro para të gatshme.
Guardia Civil tha se bashkëpunimi ndërkombëtar policor kishte arritur të çmontonte qendrat logjistike të Afrikës Perëndimore që karteli përdorte për të shpërndarë kokainën në të gjithë BE-në. Si rezultat i operacionit janë konfiskuar 12.5 milionë euro para cash në vende të ndryshme evropiane, 3 milionë dollarë në Brazil dhe ngrirjen e më shumë se 50 milionë eurove në Serbi.
Në gusht të vitit të kaluar, policia spanjolle sekuestroi 9.5 ton kokainë që ishte fshehur mes kutive me banane në një kontejner të dërguar nga Ekuadori në portin jugor spanjoll të Algeciras. Mbledhja ishte më e madhja e gjetur ndonjëherë në një kontejner të vetëm në Spanjë, tha policia në atë kohë.
