"Është një nga gjërat më të sigurta që do të bëj”, zbardhet dëshmia e Stockton Rush për nëndetësen e "Titan": Askush nuk do të vdesë në orën time, pikë!

Foto ilustruese

SHBA- Stockton Rush, CEO i OceanGate, kompania që menaxhoi nëndetësen "Titan" kishte deklaruar se ajo plotëson të gjitha rregullat e sigurisë dhe askush nuk do të vdesë sa kohë është si në krye. Russ ishte një nga pesë viktimat e fundosjes së nëndetëses në qershor 2023 në Atlantik pranë rrënojave të Titanikut. Deklarata, siç raportohet nga BBC vjen nga transkripti i një takimi në kompani, i cili u zhvillua më 19 janar 2018. Në takim morën pjesë Rush dhe kreu i operacioneve detare David Lochridge, me të cilin Rush pati një diskutim të nxehtë dhe tre persona të tjerë.

"Askush nuk do të vdesë në orën time, pikë," thoshte Russ. Lochridge kishte shprehur dyshime për sigurinë e anijes dhe Russ u përgjigj: "Nuk kam dëshirë për të vdekur , mendoj se kjo është një nga gjërat më të sigurta që do të bëj."

Dokumenti u publikua nga Roja Bregdetare e SHBA-së si pjesë e hetimit të saj për fatkeqësinë kur nëndetësja po udhëtonte drejt rrënojave të Titanikut. Të pesë pasagjerët u vranë menjëherë. OceanGate pezulloi të gjitha aktivitetet kërkimore dhe tregtare pas incidentit, i cili ngriti pyetje serioze në lidhje me sigurinë dhe dizajnin e nëndetëses.

Lochridge kishte hartuar një raport të inspektimit të cilësisë së nëndetëses, i cili theksonte probleme serioze me dizajnin e nëndetëses, si cilësia e dobët, e cila ishte bërë nga fibra karboni, dhe me testet operacionale. Ai thotë se takimi u kthye në një bisedë për shkarkimin e tij, ndërsa mosmarrëveshjet e tij për sigurinë e nëndetëses u lanë mënjanë.

Rush po i thoshte Lochridge se “Kam dëgjuar kundërshtimet dhe ju jam përgjigjur, por ju mendoni se përgjigja ime është e pamjaftueshme. Ka njerëz që më thonë se si çdo gjë që bëj në këtë sipërmarrje nuk do të funksionojë – as ti nuk mund ta bësh atë”.

Më tej ai tha se nëndetësja është e sigurt. “Kam një mbesë të bukur, do të jem këtu. E kuptoj këtë rrezik dhe shkoj me sy hapur. Mendoj se është një nga gjërat më të sigurta që do të bëj”. 

Lohridge përfundimisht u pushua nga puna por ai informoi Administratën e Sigurisë dhe Shëndetit në Punë të SHBA (OSHA). Megjithatë, edhe ata lëvizën ngadalë dhe nuk morën masa. Përfundimisht, nën presionin e avokatëve të OceanGate, ai hoqi dorë nga ankesat e tij dhe nënshkroi një marrëveshje moszbulimi. Pesë vjet më vonë u konfirmua në mënyrën më tragjike.

stockton rush tiran