Elisa Spiropali ka reaguar pas zgjedhjeve në Serbi, ku Lista e Studentëve fitoi përballë Alexandar Vuçiç.
Deputetja sociali...
BOTA
Si kamerieri paralajmëroi tragjedinë në Zvicër, ish-punonjësi ngriti alarmin 6 vite më parë
PiranjatPërditësimi i fundit 5 Janar 2026, 22:52
Një video e publikuar së fundmi nga agjencia zvicerane e lajmeve RTS hedh dritë mbi faktin se rreziku i zjarrit në barin “Konstelasion”, në rezidencën turistike të skive në Crans-Montana, ishte i njohur prej vitesh përpara tragjedisë.
Pamjet tregojnë se materiali i ndezshëm që përdorej për izolimin akustik të tavanit, një lloj shkume që thith zhurmën, përbënte një rrezik serioz kur vinte në kontakt me fishekzjarrët që përdoreshin gjatë shërbimit të alkoolit në festa. Sipas dëshmisë së një gruaje të re, e cila ka siguruar videon dhe ka qenë e pranishme në festën e Vitit të Ri 2020, një kamerier i lokalit u kishte bërë thirrje klientëve të tregonin kujdes.
“Kini kujdes nga shkuma! Kini kujdes nga shkuma në tavan se merr flakë lehtë!”, dëgjohet të thotë ai në pamje, çka konfirmon se rreziku ishte i njohur edhe për stafin e lokalit.
Tragjedia e Crans Montana rezultoi fatale për 40 persona, ndërsa 116 të tjerë mbetën të plagosur, duke e kthyer ngjarjen në një nga aksidentet më të rënda në Zvicër.
Pas publikimit të videos, autoritetet kanë intensifikuar hetimet, të cilat tashmë janë fokusuar edhe te administratorët e rezidencës turistike, për të përcaktuar përgjegjësitë lidhur me masat e sigurisë dhe evidentimin e rreziqeve përpara ngjarjes, sepse një nga shkaqet që e rëndoi bilancin ishin edhe dyert e emergjencës me përmasa më të vogla se sa ç’parashikon rregullorja.
