Kryeministri Edi Rama paralajmëroi të mërkurën një paketë masash legjislative dhe administrative ndaj personave të përfs...
BOTA
“Siguria kombëtare e vendit, 100% e garantuar”/ Zyrtari rus: Putin ftesë të hapur drejtuar Trump për të vizituar Moskën
PiranjatPërditësimi i fundit 26 Janar 2026, 08:00
Vladimir Putin i ka bërë një ftesë të hapur Donald Trump për të vizituar Moskën, tha zëvendësministri i Jashtëm rus Sergei Ryabkov, raportojnë mediat ndërkombëtare.
Sipas Ryabkov, ftesa u bë gjatë takimit të dy udhëheqësve në Anchorage të Alaskës dhe mbetet e vlefshme, me kusht që të ketë përparim në adresimin e çështjeve thelbësore që sipas tij kanë të bëjnë me krizën globale.
“Sigurisht, në Anchorage Presidentit Trump iu bë një ftesë për të vizituar Federatën Ruse”, ka thënë ai.
Zëvendësministri i Jashtëm rus theksoi se Rusia frikësohet, duke vënë në dukje gjithashtu se siguria kombëtare e vendit është 100% e garantuar.
“Në fund të fundit, këto janë çështje për qeverinë amerikane. E përsëris, siguria jonë është 100% e garantuar. Por nëse ata duan të përpiqen të na frikësojnë ose të na detyrojnë disi të justifikohemi, asnjëra prej tyre nuk do të funksionojë”, tha Ryabkov.
Kujtojmë se Donald Trump kishte deklaruar më parë se Shtetet e Bashkuara zotërojnë sisteme armësh të panjohura për pjesën tjetër të botës, duke iu referuar përdorimit të armëve sonike nga Uashingtoni në Venezuelë.
Ryabkov përfundoi duke thënë se pala ruse “ka një bazë të konsiderueshme dokumentacioni që përshkruan rregullat për përdorimin e armëve bërthamore dhe teknologjisë së armëve të tjera në situata të ndryshme”.
