Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Sllovakia ashpërson ligjin për lirinë e tubimit pas atentatit kundër Ficos
n.fPërditësimi i fundit 15 Korrik 2024, 14:58
Fico
SLLOVAKI- Sllovakia ashpërsoi ligjin për lirinë e tubimit, pas atentatit kundër kryeministrit Robert Fico, dy muaj më parë. Ligji, që u miratua në fund të qershorit dhe hyri në fuqi të hënën, nuk lejon tubime në një rreze prej 50 metrash nga selia e qeverisë dhe presidencës, parlamentit dhe të gjitha godinave të gjykatave.
Me ligj, ndalohen edhe demonstratat kundër politikanëve para rezidencave të tyre. Tubimet mund të ndalohen gjithashtu nëse e rrezikojnë rendin publik. Ligji parashikon që liderët e partive të përfaqësuara në parlament, ta kenë edhe të drejtën e mbrojtjes personale.
Ngjashëm, mbrojtja personale duhet të sigurohet edhe për prokurorin e përgjithshëm dhe kryetarin e Gjykatës Kushtetuese. Kryeministrat që kalojnë më shumë se dhjetë vjet në detyrë, do ta kenë të drejtën e pensionit të përjetshëm, po ashtu.
Deri më tash, kjo e drejtë vlen vetëm për Ficon. Kritikët nga opozita thonë se ligji është një hap drejt “shtetit policor”. Fico, 59 vjeç, u qëllua nga afër më 15 maj, në një qytet të Sllovakisë qendrore dhe iu nënshtrua dy operacioneve të gjata.
Personi i armatosur, i identifikuar nga mediat sllovake si Juraj Cintula, 71 vjeç, është në paraburgim në pritje të gjykimit. Fico u kthye në punë javën e kaluar./ REL
