Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
"Sllovakia po zien"! Fico përjashto mundësinë e dorëheqjes pavarësisht protestave antiqeveritare
E.DPërditësimi i fundit 25 Janar 2025, 22:42
SLLOVAKI- Kryeministri i Sllovakisë Robert Fico përjashtoi sot mundësinë e dorëheqjes, pasi dhjetëra mijëra protestues u mblodhën dje në Bratislavë për të protestuar kundër zhvendosjes së qeverisë drejt Rusisë. Rreth 60,000 njerëz morën pjesë në demonstratën në kryeqytet, sipas organizatorëve.
Mediat lokale raportuan se gati 100,000 protestuan në të gjithë vendin në demonstratat më të mëdha antiqeveritare që kur Fitzo mori postin e kryeministrit në 2023. Protestat u organizuan pasi Fico udhëtoi në Moskë në dhjetor për tu takuar me presidentin rus Vladimir Putin.
“Qeveria mund të ndryshohet vetëm me zgjedhje ”, tha Fico sot në një intervistë në televizionin publik, i pyetur për protestat.
Qeveria nacionaliste e krahut të majtë të Fico akuzon rivalët e saj politikë se planifikojnë të përshkallëzojnë protestat në një përpjekje për të rrëzuar qeverinë. Duke cituar inteligjencën, Fico pretendoi, pa dhënë prova, se kishte një grup "specialistësh" të paidentifikuar në Sllovaki, të cilët ndihmuan në organizimin e protestave kundër një lideri pro-rus në Ukrainë në 2014 dhe në Gjeorgji vitin e kaluar.
Ai tha sot se po hartohet lista e personave të deportuar, pa dhënë detaje të tjera. Fico mbrojti gjithashtu politikën e jashtme të qeverisë, duke thënë se ajo kërkon të ketë marrëdhënie të mira me të gjitha palët.
