Një 53-vjeçar është arrestuar në flagrancë në fshatin Bunec, pasi dyshohet se ka qëlluar me armë zjarri në...
BOTA
Sot i gjashti/ Këto janë të gjitha takimet që janë zhvilluar në dy vjet për Kosovën dhe Serbinë
PiranjatPërditësimi i fundit 27 Shkurt 2023, 15:18
KOSOVË- Takimi i sotëm në Bruksel mes kreut të qeverisë së Kosovës, Albin Kurti dhe liderit serb Aleksandër Vuçiç në kuadër të normalizimit të marrëdhënieve mes dy vendeve është i gjashti. Më poishtë do t'iu rendisim 5 takimet e tjera që janë zhvilluar gjatë dy viteve qeverisje të Kurtit për arritjen e një marrveshjeje përfundimtare mes dy vendeve.
Për herë të parë, kryeministriti i Kosovës, Albin Kurti dhe presidenti i Serbisë, Aleksandër Vuçiçi u takuan më 15 qershor të viti 2021 në Bruksel në kuadër të dialogut, takim ky që përfundoi pa u marrë vesh për temat. Në këtë takim, Kurti kishte propozuar katër pika, ku sipas deklarimeve të tij, tri nga to u refuzuan teksa për njërën prej tyre nuk patën përgjigje. Propozimi i parë ishte për avancim të CEFTA-s. Propozimi i dytë ishte Kosova dhe Serbia ta nënshkruajnë një deklaratë të paqes ku ne zotohemi se nuk do ta sulmojmë njëra-tjetrën. Propozimi tjetër ishte për çështjen e të pagjeturve si dhe propozimi i fundit ishte për krijimin e Këshillit nacional për serbët. Kurti atë kohë kishte thënë se sa më shpejt që bëhet marrrëveshja me Serbisë do të ishte më mirë.
Takimi i dytë mes Kurtit dhe Vuçiçit ishte mbajtur më 19 korrik 2021. Ky takim nuk sjelli ndonjë marrëveshje. Palët përfunduan takimi më shpejt se që ishte paraparë dhe se u pajtuan vetëm për të vazhduar dialogun.
Takimi i tretë ishtë mbajtur më 4 maj 2022. Takimi ishte njohur në publik si “Darka e Berlinit”. Darka sipas BE-së ishte joformale pavarësisht se në këtë takim mori pjesë edhe emisari special i BE-së për dialogun Kosovë-Serbi, Miroslav Lajçak. Darka mes tyre kishte zgjatur një orë e gjysmë dhe u mbajt në pallatin Borsig që gjendet në periferi të Berlinit.
Sipas Kurtit, takimi me Vuçiçin kishte qenë një përgatitje për takimin mes kryenegociatorëve, por jo të liderëve. Kurti, kishte deklaruar se Vuçiçi nuk ka edhe më tej distancim nga politika e Sllobodan Millosheviqit dhe as nga politika e presidentit rus, Vladimir Putin. Në anën tjetër, Lajçak, pati thënë se në darkë është diskutuar për dialogun.
“E mirëprita mundësinë për një darkë joformale diskutimesh rreth dialogut me kryeministrin Kurti dhe presidentin Vuçiq në Berlin. Mirënjohës ndaj qeverisë gjermane për pritjen. Ne do të vazhdojmë diskutimet në nivel të kryenegociatorëve më 13 maj," – kishte shkruar Lajçak në Twitter.
Takimi i katërt ishte menduar të mbahej në korrik 2022, por u mbajt më 18 gusht 2022, pasi Vuçiq kishte shtyer takimin. Ky takim ishte mbajtur pas barrikadave që ishin vendosur në veri të vendit për shkak të vendimit për targat serbe dhe dokumentet. Në këtë takim palët ishin marrë vesh që të takohen çdo muaj. Mirëpo nuk kishte ndodhur një gjë e tillë.
Shefi i diplomacisë së Bashkimit Evropian, Josep Borrell, pas takimit në konferencë për media kishte thënë se “fatkeqësisht nuk kemi arritur sot marrëveshje”.
Takimi mes Kurtit dhe Vuçiçit që zgjati për shtatë orë ishte takimi i datë më 21 nëntor 2022. Kurti dhe Vuçiç nën ndërmjetësimin e Borell dhe Lajçakut biseduar për shtatë orë. Edhe ky takim nuk sjelli ndonjë lëvizje. Kryeministri kishte akuzuar Borellin se kishte hequr dorë nga afati
“Me keqardhje mund të them që, përfqësuesi lartë Borrell hoqi dorë nga ky afati marsi 2023 dhe nga propozimi i BE-së për normalizim të marrëdhënieve,” – kishtë thënë Kurti.
Ndërkohë, sot (e hënë 27 shkurt), kryeministri Kurti dhe presidenti Vuçiç, pritet të takohen në Bruksel. Temë kryesore e këtij takimi pritet të jetë propozimi i BE-së për normalizimin e marrdhënieve mes Kosovës dhe Serbisë. Në parim, pala serbe dhe pala kosovare kanë pranuar plani e BE-së. Ndërkaq, ndërkombëtarë kanë bërë thirrje ndaj Kurti dhe Vuçiçit që të tregohen konstruktivë gjatë këtij takimi. Dialogu mes Kosovës dhe Serbisë ka nisur më 2011. /dosja.al
