Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Tragjedia me 40 viktima në Zvicër, gjykata merr vendim për çiftin e pronarëve
PiranjatPërditësimi i fundit 13 Janar 2026, 19:55
Jessica Moretti, pronare e restorantit Le Constellation në Crans-Montana së bashku me bashkëshortin Jacques, nuk do të lihen në arrest shtëpiak.
Gjykata vendosi që ajo duhet të dorëzojë dokumentet e saj të identitetit dhe të paraqitet në polici çdo ditë. Përveç ndalimit të largimit nga Zvicra, Moretti do të duhet të paguajë edhe një shumë garancie, e cila do të përcaktohet më vonë. Vendimi u mor pas kërkesës së prokurorit publik.
Masat paraprake u vendosën nga Gjykata e Paraburgimit, me kërkesë të Zyrës së Prokurorit të Përgjithshëm të Valais, për shkak të rrezikut të arratisjes, i vetmi rrezik i përmendur nga prokuroria. Në arsyetimin e tij, gjyqtari i garancisë thekson se, “pasi Zyra e Prokurorit Publik nuk kërkoi paraburgim, një masë e tillë kufizuese nuk mund të urdhërohej nga Gjykata”.
“Çdo i pandehur prezumohet i pafajshëm deri në një vendim përfundimtar. Parimi themelor i procedurës penale zvicerane përcakton që i pandehuri të mbetet i lirë deri në gjyq, paraburgimi mund të urdhërohet vetëm nga Zyra e Prokurorit Publik dhe vetëm në raste të jashtëzakonshme, si mjet i fundit, për të siguruar kryerjen e duhur të hetimit”, tha ai.
