Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Trump: Dënimi i Le Pen në Francë është një çështje shumë e madhe!
E.DPërditësimi i fundit 1 Prill 2025, 11:47
SHBA- Presidenti i SHBA Donald Trump tha të hënën se dënimi i lideres së ekstremit të djathtë francez Marine Le Pen dhe ndalimi që rezultoi për të kandiduar në zgjedhjet presidenciale të 2027 është një çështje shumë e madhe. Trump duke folur me gazetarët në Shtëpinë e Bardhë tha se di gjithçka për këtë dhe shumë njerëz menduan se ajo nuk do të dënohej për asgjë.
"Kjo është një punë shumë e madhe. Unë di gjithçka për këtë dhe shumë njerëz menduan se ajo nuk do të dënohej për asgjë. Por ajo u ndalua për të kandiduar për pesë vjet, dhe ajo është kandidatja kryesore. Kjo tingëllon si ky vend, që tingëllon shumë si ky vend," u tha Trump gazetarëve në Shtëpinë e Bardhë të hënën në mbrëmje kur u pyet për atë bindje.
Marine Le Pen, udhëhesja e ekstremit të djathtë në Francë, u dënua nga Gjykata e Parisit me 4 vite burg, por ajo nuk do të kalojë asnjë ditë në qeli. Dy vite mund t’i kalojë në liri me kusht dhe dy të tjerë me byzylyk elektronik ndërsa është gjobitur edhe me 100 mijë Euro.
Gjykata i ka ndaluar që për 5 vite që të mbajë poste të larta publike, gjë që e përjashton nga gara presidenciale 2027. Le Pen akuzohet për shpërdorimin e 3 milionë Eurove, para të cilat dyshohet se ajo i përdori për të paguar stafin e partisë së saj, por që ishin të destinuara për ndihmësit e saj si eurodeputete nga viti 2004 deri ën 2016-ën.
