Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
Trump do të marrë pjesë në takimin Zelensky-Putin/ Presidenti ukrainas: Ukraina do ta vlerësonte praninë e tij! Mund të ndryshojmë shumë
m.lPërditësimi i fundit 12 Maj 2025, 19:17
UKRAINË- Volodymyr Zelensky përshëndeti mundësinë e pjesëmarrjes së Presidentit të SHBA-së Donald Trump në bisedimet midis Ukrainës dhe Rusisë në Turqi të enjten, duke shprehur shpresën se udhëheqësi rus Vladimir Putin nuk do ta "shmangë takimin".
“Të gjithë ne në Ukrainë do ta vlerësonim nëse Presidenti Trump do të mund të ishte atje me ne në këtë takim në Turqi. Kjo është ideja e duhur. Mund të ndryshojmë shumë”, theksoi presidenti ukrainas në një postim në X dhe shtoi se Presidenti turk Rexhep Tajip Erdogan "mund të jetë nikoqir i një takimi të nivelit të lartë".
"Të gjithë ne në Ukrainë do ta vlerësonim nëse Presidenti Trump do të ishte atje me ne në këtë takim në Turqi. Kjo është ideja e duhur. Mund të ndryshojmë shumë. Presidenti Erdogan mund të organizojë një takim të nivelit të lartë. Faleminderit të gjithëve që po ndihmojnë. Mbështeta idenë e një armëpushimi të plotë dhe pa kushte, mjaftueshëm të gjatë për të formuar bazën për diplomaci. Dhe ne e duam atë, jemi të gatshëm të respektojmë armëpushimin nga ana jonë. Unë e mbështeta Presidentin Trump me idenë e bisedimeve të drejtpërdrejta me Putinin. E kam shprehur hapur gatishmërinë time për t'u takuar. Do të jem në Turqi. Shpresoj që rusët nuk do ta shmangin takimin", tha ai në postimin e tij.
Më parë, Donald Trump la të hapur mundësinë e pjesëmarrjes në bisedimet midis Rusisë dhe Ukrainës në Turqi të enjten.
"Mendoj se mund të ketë një rezultat të mirë nga takimi i së enjtes në Turqi midis Rusisë dhe Ukrainës", tha presidenti amerikan, sipas Reuters.
"Po mendoja të shkoja. Nuk e di se ku do të jem të enjten. Kam shumë takime, por po mendoja të udhëtoja për në Turqi. Ekziston një mundësi, mendoj, nëse besoj se diçka mund të bëhet, por ne duhet ta bëjmë të ndodhë", u tha ai gazetarëve në Shtëpinë e Bardhë.
