"Trump i zemëruar me Putin!" Zelensky: Rusia meriton presion të shtuar për t’i dhënë fund luftës

UKRAINA- Presidenti ukrainas Volodymyr Zelensky tha se presidenti rus Vladimir Putinit "nuk i intereson diplomacia” dhe bëri thirrje për presion të mëtejshëm ndaj Rusisë për t’i dhënë fund luftës. Kjo thirrje e Zelensky-t vjen pasi presidenti i SHBA-ve, Donald Trump, u shpreh dje “shumë i zemëruar” dhe “i mërzitur” nga homologu rus pasi ky i fundit vuri në dyshim besueshmërinë e presidentit ukrainas Volodymyr Zelensky.

“Prej disa javësh ka një propozim të SHBA-së për një armëpushim pa kushte. Dhe pothuajse çdo ditë, në përgjigje të këtij propozimi, ka dronë rusë, bomba, granatime artilerie dhe sulme balistike. Rusia meriton presion të shtuar – të gjitha masat e ashpra që mund të thyejnë kapacitetin e saj për të bërë luftë dhe për të mbështetur sistemin që nuk dëshiron asgjë tjetër përveç luftës,” tha Zelensky.

Trump kritikoi presidentin rus për propozimin e tij për të krijuar një qeveri të përkohshme në Kiev. Presidenti amerikan paralajmëroi se nëse nuk arrin një marrëveshje me Moskën për të ndalur gjakderdhjen në Ukrainë dhe nëse gjykon se Rusia është përgjegjëse, “edhe pse mund të mos jetë”, atëherë ai synon të vendosë tarifa dytësore për naftën ruse.

lufta ne ukraine