Trump kërcënoi BRICS me tarifa nëse zëvendëson dollarin/ Kremlini konfirmon se nuk ka plane për një monedhë të përbashkët: Kjo as nuk është diskutuar dhe...

Dmitry Peskov

RUSI- Zëdhënësi i Kremlinit Dmitry Peskov tha se vendet anëtare të BRICS nuk kanë plane për të krijuar një monedhë të përbashkët, por po diskutojnë në mënyrë aktive platformat e përbashkëta të investimeve për të rritur bashkëpunimin ekonomik.  

Peskov duke folur me gazetarët të premten, iu drejtua vërejtjeve të fundit të presidentit amerikan Donald Trump, i cili ka kërcënuar se do të godasë vendet e BRICS me tarifa nëse ata krijojnë një monedhë të përbashkët për të zëvendësuar dollarin.

“BRICS nuk po shqyrton krijimin e një monedhe të përbashkët. Kjo as nuk është diskutuar në të kaluarën dhe as nuk është aktualisht në rend dite. Kjo nuk është hera e parë që Trump bën deklarata të tilla, nuk është e re. Ka pasur deklarata të tilla më parë, kur ai ishte vetëm president i zgjedhur. Kështu që tani, në fakt, ai ka përsëritur tezën e tij të vjetër. 

Ne ndoshta duhet të kujtojmë fjalët e presidentit tonë (Vladimir Putin), të cilat janë shumë më të rëndësishme dhe më kuptimplote për ne në fund të fundit. Çështja është se BRICS nuk po flet për krijimin e një monedhe të përbashkët, as nuk e ka bërë ndonjëherë. BRICS është duke folur për krijimin e platformave të reja të përbashkëta të investimeve që do të lejonin investime të përbashkëta në vendet e treta, investime të ndërsjella e kështu me radhë”, tha Peskov.

Të enjten, Trump paralajmëroi vendet anëtare të BRICS që të zëvendësojnë dollarin e fuqishëm amerikan, duke përsëritur kërcënimin e tarifave 100% që ai bëri disa javë pasi fitoi zgjedhjet presidenciale të nëntorit.

“Nuk ka asnjë shans që BRICS të zëvendësojë dollarin amerikan në tregtinë ndërkombëtare apo kudo tjetër, dhe çdo vend që përpiqet duhet t’i thotë përshëndetje tarifave dhe lamtumirë Amerikës!” Trump shkroi në platformën e tij “Truth Social”.

dmitry peskov