Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
Trump mbledh kabinetin: I dhamë fund luftës në Gaza, do të udhëtoj drejt Egjiptit! Ja kur lirohen pengjet izraelite
PiranjatPërditësimi i fundit 9 Tetor 2025, 19:06
Presidenti amerikan Donald Trump thotë se robërit izraelitë do të lirohen nga Gaza "të hënën ose të martën" pas marrëveshjes së arritur midis Izraelit dhe Hamasit. Presidenti Trump, mblodhi kabinetin e tij në Shtëpinë e Bardhë dhe tha se pengjet pritet të lirohen të hënën.
Megjithatë, ai nuk përmendi pika kritike në propozim, siç është çarmatimi i Hamasit dhe çështja e qeverisjes së ardhshme të Gazës. Trump i tha kabinetit se “do të jetë të dielën në Egjipt për marrëveshje shtesë”, e me shumë mundësi një ndalesë në Izrael, dhe se “ata ndalën luftën në Gaza”.
“Ata duhet të lirohen të hënën ose të martën. Lirimi i tyre është një proces i ndërlikuar. Preferoj të mos ju tregoj se çfarë duhet të bëjnë për t’i marrë ata”, tha ai në fillim të takimit.
“Mbrëmë, arritëm një përparim të madh në Lindjen e Mesme”, tha ai, duke shtuar se “i dhamë fund luftës në Gaza dhe, në fakt, në një shkallë shumë më të gjerë, krijuam paqe… shpresojmë një paqe të qëndrueshme në Lindjen e Mesme”.
Trump thotë se do të përpiqet të udhëtojë në Lindjen e Mesme javën e ardhshme, por sqaron se data nuk është finalizuar, informojnë mediat amerikane. Ai thotë se do të shkojë në Egjipt për të marrë pjesë në një ceremoni nënshkrimi.
Udhëheqësit botërorë e kanë mirëpritur marrëveshjen, me Macronin e Francës që theksoi se orët e ardhshme do të jenë “vendimtare” ndërsa u takua me ministrat e jashtëm në Paris.
Një burim nga Hamasi i tha Al Jazeera-s se negociatat po vazhdojnë për listat e të burgosurve palestinezë që pritet të lirohen në këmbim të robërve izraelitë.
Sekretari i Përgjithshëm i OKB-së, Guterres, ka theksuar se gjakderdhja në Gaza duhet të ndalet, ndërsa ka bërë thirrje që Kombet e Bashkuara të lejohen të rrisin ndihmën humanitare për palestinezët.
