Turqia e gatshme të dërgojë trupa në Ukrainë nëse është e nevojshme, zyrtari: Koncepti ende nuk është përcaktuar qartë

TURQIA- Turqia mund të kontribuojë në një mision të mundshëm paqeruajtës në Ukrainë. Një zyrtar turk tha se diskutimet mbi një vendosje turke mbeten konceptuale, pa vendime konkrete ende të marra.

“Çështja e kontributit në një mision për vendosjen e stabilitetit dhe paqes rajonale do të konsiderohet dhe do të vlerësohet reciprokisht me të gjitha palët përkatëse. Koncepti ende nuk është përcaktuar qartë”, ka deklaruar një zyrtar i ministrisë turke të mbrojtjes.

Fuqitë kryesore ushtarake të Evropës, Britania dhe Franca kanë diskutuar tashmë vendosjen e trupave në një forcë potenciale për të monitoruar një armëpushim në Ukrainë pas një marrëveshjeje të ardhshme paqeje, ndërsa Uashingtoni ka thënë se nuk do të dërgojë trupa.

Ukraina tha se çdo marrëveshje paqeje do të kërkonte një forcë të fuqishme në terren për të ofruar garanci sigurie; Moska ka refuzuar çdo vendosje të forcave anëtare të NATO-s, megjithëse Presidenti i SHBA-së Donald Trump tha se beson se Rusia mund të pajtohet, shkruan Reuters.

Nëse Turqia do të vendoste trupa, zyrtari theksoi se fillimisht do të duhej të shpallej një armëpushim midis Ukrainës dhe Rusisë dhe dislokimet fillestare duhet të përfshijnë njësi jo luftarake për të monitoruar armëpushimin.

turqia