Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
BOTA
“Tyler, je ti ky?”, si intuitat e prindit çoi në arrestimin e vrasësit të aktivistit Kirk
PiranjatPërditësimi i fundit 13 Shtator 2025, 17:34
Pas më shumë se 30 orësh kërkim intensiv për vrasësin e aktivistit konservator Charlie Kirk, historia mori një kthesë të papritur: babai i dyshuarit, Tyler Robinson, ndërhyri për të kapur të birin. Pas shpërndarjes së pamjeve dhe fotove të dyshuarit, babai në Utah i njohu ato dhe e pyeti drejt: “Tyler, je ti ky?” Djaloshi 22-vjeçar pranoi menjëherë: “Po, unë e kam vrarë.”
Kur babai i sugjeroi të dorëzohej, Tyler u shpreh se do të preferonte të vriste veten sesa të përballej me autoritetet. Megjithatë, babai arriti ta bindë që të fliste me një pastor rinie, i cili bashkëpunonte me Shërbimin e Marsharëve të SHBA-së dhe Zyrën e Sheriff-it të Washington County.
Informacioni u transmetua shpejt tek autoritetet në Utah County dhe FBI. Pas një kërkimi të pasuksesshëm fillimisht, Tyler Robinson u arrestua vetëm disa orë pas një konference për shtyp ku autoritetet kërkonin ndihmën e publikut. Guvernatori i Utah-së, Spencer Cox, e përshkroi arrestimin si një “ngushëllim” dhe FBI raportoi se kishte marrë mbi 7,000 pista dhe informacione nga qytetarët. Sipas Guvernatorit të Shtetit Spencer Cox, Robinson i rrëfeu fajin një miku të familjes, një pastori, me të cilin i ati kishte kontaktuar pasi kishte parë imazhet e publikuara nga FBI-ja. Djali – të cilin i ati e kishte përballur pasi kishte parë fotot – fillimisht refuzoi të dorëzohej, por më vonë ndryshoi mendje. Cox tha se familja e djalit e dorëzoi atë tek autoritetet. Robinson më vonë rrëfeu ngjarjen edhe tek FBI-ja.
Tyler Robinson kishte shkruar disa fraza në plumba, duke përfshirë “Bella ciao”, “Hej fashist, merre këtë” dhe “Nëse e lexon këtë, je gej, LMAO.” (LMAO do të thotë “Duke qeshur”). Një fishek bosh dhe tre plumba të tjerë u gjetën në pushkën e përdorur për të vrarë Kirk. Cox tha se hetuesit morën në pyetje edhe shokun e dhomës së Robinson, i cili u tregoi atyre mesazhe midis tij dhe një llogarie në aplikacionin e mesazheve Discord ku përdorte emrin “Tyler”.
Në mesazhe, “Tyler” fliste për nevojën për të marrë një pushkë nga një pikë shitjeje, për ta lënë në një shkurre, për të monitoruar zonën ku ishte lënë pushka dhe për ta mbajtur të mbështjellë me një peshqir. Mesazhet, shtoi ai, diskutonin gjithashtu gdhendjen e plumbave, përdorimin e një dylbie dhe përshkrimin e pushkës si “unike”.
Robinson, sipas Cox, kishte ndërruar rrobat e tij, duke veshur ato të zeza me të cilat u kap në kamera kur ishte në çatinë nga qëlloi. Kur u arrestua, ai mbante të njëjtat rroba që ishte parë të mbante në kamera para se të qëllonte.
