I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
BOTA
"U arrestua pasi kaloi në Siri ndërsa ishte në një pelegrinazh të krishterë në një mal!" Amerikani i liruar nga rebelët në Siri dërgohet në Jordani
M.B.Përditësimi i fundit 14 Dhjetor 2024, 07:53
LINDJE E MESME- Ushtria amerikane njoftoi të premten se kishte transportuar nga Siria drejt Jordanisë një amerikan, i cili ishte zhdukur shtatë muaj më parë në sistemin famëkeq të burgjeve të ish-presidentit Bashar Assad dhe ishte në mesin e mijëra vetëve që u liruan këtë javë nga rebelët. Travis Timmerman, 29-vjeç, u dërgua në Jordani me një helikopter ushtarak, sipas dy zyrtarëve amerikanë që folën në kushte anonimiteti, e që nuk mund të jepnin detaje mbi operacion në vazhdim.
Është e paqartë se ku do të vendoset më pas Timmerman. Ai falënderoi ata që e shpëtuan, por u tha zyrtarëve amerikanë se do të donte të qëndronte në rajon, sipas një personi në dijeni të çështjes, i cili nuk ishte i autorizuar të komentonte publikisht. Timmerman u arrestua pasi kaloi në Siri ndërsa ishte në një pelegrinazh të krishterë në një mal në qytetit libanez Zahle në qershor.
Në një intervistë të premten për agjencinë e lajmeve “Associated Press” ai tha se nuk ishte keqtrajtuar gjatë kohës që kishte qëndruar në institucionin famëkeq të paraburgimit që njihet si Dega e Palestinës, operuar nga inteligjenca siriane. Timmerman tha se ai ishte liruar të hënën në mëngjes pasi rebelët morën kontrollin e Damaskut dhe rrëzuan nga pushteti Assadin, së bashku me një të ri sirian dhe 70 gra të burgosura, disa prej të cilave kishin me vete edhe fëmijë.
Ai shtoi se ishte mbajtur i ndarë nga të burgosurit sirianë dhe të tjerë me origjinë arabe dhe tha se nuk ishte në dijeni të ndonjë amerikani tjetër që mbahej i burgosur në të njëjtin objekt. Timmerman është nga Urbana e shtetit të Misurit. Nëna e tij, Stacey Gardiner, tha se i kishin thënë se po e dërgonin djalin e saj në një bazë ushtarake në Jordani. Familja ende nuk ka folur me të.
Mouaz Moustafa, një aktivist i opozitës siriane me bazë në SHBA, i cili punoi me rebelët për të siguruar transferimin e zotit Timmerman, postoi në Twitter një foto të amerikanit të liruar tek qëndronte pranë një burri me uniformë ushtarake amerikane në shkretëtirën e rajonit.
“I sigurt dhe shëndoshë e mire e përsëri në duart e amerikanëve”, shkruante zoti Moustafa.
Ndërkohë, zyrtarët amerikanë po vazhdojnë kërkimet për gjetjen e Austin Tice, një gazetar amerikan i zhdukur 12 vjet më parë, pranë Damaskut./ VOA
