Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
U fut në uji të kapte topin që ra në lumë, 13-vjeçari humb jetën tragjikisht në Indonezi, sulmohet nga një krokodil
n.fPërditësimi i fundit 27 Maj 2025, 08:09
INDONEZI- Një djalë 13-vjeçar në Indonezi u vra tragjikisht nga një krokodil kur ai shkoi në një lumë për të marrë një top që kishte rënë në ujë. Incidenti tragjik që përfshinte Muhammad Syahputra Almanda ndodhi të shtunën e kaluar në fshatin Jambi, ndërsa 13-vjeçari po luante në një fushë me miqtë e tij.
Zëdhënësi i policisë u shpreh se viktima i kishte thënë shokut të tij ta hidhte topin në ujë dhe pas kësaj, djali u zhyt, por nuk doli më kurrë në sipërfaqe. Pak kohë më vonë ata panë krokodilin me fëmijën midis nofullave të tij.
Ekipet e shpëtimit e gjetën trupin e 13-vjeçarit në ujë disa orë më vonë, të shtunën në mbrëmje. Sipas dëshmitarëve okularë që panë krokodilin me trupin e pajetë të djalit, ata folën për një zvarranik 4 metra të gjatë.
Arkipelagu indonezian është shtëpia e 14 llojeve të krokodilëve, me disa prej tyre që gjenden në grykëderdhjet e lumenjve për shkak të klimës në rajon. Ekologët besojnë se krokodilët janë zhvendosur më thellë në brendësi të tokës, më afër fshatrave, për shkak të peshkimit të tepërt që ka zvogëluar burimet e tyre natyrore të ushqimit, të kombinuara me humbjen e habitatit të tyre nga zhvillimi i zonave bregdetare për fermat.
