U plagos rëndë nga makineritë në punë/ Humb jetë 30-vjeçari indian në Itali, pronari e la më shumë se një orë pa ndihmë, dorën e prerë e futi në një kuti frutash

Foto ilustruese

ITALI- Një punëtor tokash ka humbur jetën tragjikisht në Itali, pasi mbeti i plagosur pas një aksidenti të rëndë. Indiani, Satnam Sing, rreth të 30-tave u plagos rëndë në krahë dhe këmbë nga një makineri teksa punonte të hënën në një fushë me perime në Lazio, pranë Romës.

Mediat italiane raportojnë se punëdhënësi i Singh e ngarkoi të plagosurin dhe gruan e tij në një kamion dhe i zbriti pranë shtëpisë ku jetonin. Dora e prerë e punëtorit ishte vendosur në një kuti frutash.

Gruaja e Singh iu lut pronarit për ndihmë por më kot. Punëtori indian mbeti pa ndihmë për rreth 1.5 orë . Ai përfundimisht u transportua me avion në një spital në Romë, por vdiq të mërkurën.

Pronari Antonio Lovato tani është nën hetim për neglizhencë kriminale dhe vrasje nga pakujdesia. Babai i pronarit të tokës tha për mediat italiane se djali i tij i kishte thënë Singh-it të mos i afrohej makinerive, por ai nuk e dëgjoi.

Singh kishte dy vjet që ndodhet në Itali pa letra. Ministri i Punës e quajti incidentin "një akt barbarizmi", ndërsa sindikata Flai CGIL u bëri thirrje punëtorëve të fermave të hynin në grevë të shtunën në shenjë proteste për vdekjen.

itali viktime