Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
U tërhoq nga gara presidenciale disa ditë parë, Joe Biden flet sot për arsyet që e çuan te vendimi
E.DPërditësimi i fundit 24 Korrik 2024, 07:44
SHBA- Presidenti amerikan Joe Biden do të dalë sot në një konferencë për mediat, ku do të tregojë arsyet që e shtynë atë të tërhiqej nga gara përpara zgjedhjeve presidenciale të 5 nëntorit dhe t’ia dorëzojë stafetën nënpresidentes së tij, Kamala Harris. Presidenti demokrat në largim zgjodhi një kohë kryesore, sonte në orën 20:00 (me orën lokale), për t’iu drejtuar amerikanëve, për të shpjeguar vendimin e tij, i cili tashmë renditet ndër përmbysjet politike më spektakolare të kohëve moderne të historisë amerikane.
Fjalimi, nga Zyra Ovale e Shtëpisë së Bardhë, do të jetë padyshim ndër më të rëndësishmit kur të vijë koha e llogaritjes së tij. Veterani i politikës amerikane, do të shpjegojë pse vendosi të dielën, në një letër të publikuar në llogarinë e tij personale në "X", të largohej nga gara edhe pse ai këmbënguli deri atë ditë që jo vetëm të arrinte në fund të rrugës, por do të fitonte përballë Trumpit.
Biden, i cili sapo ka dalë pas gati një jave nga izolimi në shtëpinë e tij në plazh në shtetin Delaware pas ri-infektimit me koronavirusin e ri, u shfaq i tronditur teksa doli nga avioni që e çoi në Shtëpinë e Bardhë. Shëndeti i presidentit demokrat ka qenë një shqetësim i madh kohët e fundit, pasi gjithnjë e më shumë deputetë nga fraksioni i tij kanë kërkuar që ai të largohet. Zëvendëspresidentja e Harris nisi menjëherë, pa pritur, fushatën për Shtëpinë e Bardhë.
