Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Ukraina nis sulmin më të madh të luftës deri më tani, ja zonat e prekura nga ofensiva
PiranjatPërditësimi i fundit 14 Janar 2025, 22:31
RUSI- Ukraina ka goditur disa objektiva brenda Rusisë, në atë që ajo pretendon se është sulmi më i madh i saj deri më tani. Depot e municioneve dhe fabrikat kimike u goditën në disa rajone, disa prej të cilave ishin qindra kilometra larg kufirit, sipas Shtabit të Përgjithshëm të Forcave të Armatosura të Ukrainës.
Burime në agjencinë e inteligjencës të Ukrainës SBU i thanë BBC-së se sulmi brenda natës ishte një “goditje e dhimbshme” për Rusinë. Rusia tha se kishte rrëzuar raketat Atacms të dhëna nga SHBA, si dhe raketa lundrimi Storm Shadow të prodhuara në Mbretërinë e Bashkuar dhe u zotua se do t’i përgjigjet sulmit.
Të paktën nëntë aeroporte në Rusinë qendrore dhe perëndimore ndaluan përkohësisht fluturimet, goditjet bënë që shkollat në rajonin jugperëndimor të Saratovit të mbyllen. Sulmet në rajonin kufitar të Bryansk shkaktuan shpërthime në një rafineri, depo municionesh dhe një fabrikë kimike që thuhet se prodhonte barut dhe eksplozivë, sipas një burimi ukrainas.
Por sipas Shtabit të Përgjithshëm Kievi ka goditur edhe me thellë, deri në 1,100 km nga kufiri. Në rajonin perëndimor të Saratovit, zyrtarët raportuan një sulm masiv me dron. Dy fabrika industriale në qytetet Engels dhe Saratov janë dëmtuar, shkroi guvernatori rajonal, Roman Busargin në Telegram.
Javën e kaluar, Kievi raportoi se kishte goditur një magazinë nafte në Engels, duke nxitur një përpjekje disa ditore për të shuar flakët dhe duke detyruar Busargin për të shpallur një gjendje të jashtëzakonshme.
Zyrtarët në rajonin perëndimor të Tula raportuan gjithashtu një sulm gjatë natës, ku guvernatori rajonal, Dmitry Milyaev Russian tha se mbrojtja ajrore kishte rrëzuar 16 dronë. Sipas tij nuk pati viktima, megjithëse rënia e mbetjeve të raketave dëmtoi disa makina dhe ndërtesa. Një vend depozitimi gazi pranë Kazanit u godit nga një sulm me dron në rajonin jugperëndimor të Tatarstanit, por nuk pati viktima.
Ukraina tha se Rusia gjithashtu lëshoi dhjetëra dronë në të gjithë vendin gjatë natës, me alarme të shumta për sulm ajror brenda dhe rreth Kievit. Por sipas tyre të gjithë dronët u neutralizuan përveç njërit. Shtabi i Përgjithshëm komentoi gjithashtu, duke pranuar se situata në vijën e frontit nuk është e lehtë me mungesë këmbësorie në shumë zona.
“Vendimi për të forcuar brigadat tokësore në vijën e frontit në kurriz të ushtarakëve të njësive të llojeve dhe degëve të tjera të Forcave të Armatosura të Ukrainës është një hap i detyruar i udhëheqjes ushtarake për të forcuar mbrojtjen tonë”, thuhet në një deklaratë.
