Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
"Ushtarët që luftojnë për Rusinë, ringjallen pasi vriten!" Si po përpiqet Moska të bindë ushtarët se “vdekja nuk ekziston” dhe se lufta e tyre “është e shenjtë”?
M.B.Përditësimi i fundit 31 Maj 2024, 09:46
Vladimir Putin
RUSIA- Rusia po bind ushtarët e saj ngurrues se “vdekja nuk ekziston”, ndërsa përkrahësit e Vladimir Putin pretendojnë se pushtimi i Ukrainës është një “luftë e shenjtë”. Propagandistët e Putinit po përdorin masa të dëshpëruara, raportojnë mediat e huaja, për të rekrutuar më shumë vullnetarë në përpjekjet e dështuara të luftës. Lufta në Ukrainë nuk po tregon shenja të përfundimit më shumë se dy vjet pas fillimit të pushtimit nga Putin dhe ka pasur një rrjedhë të vazhdueshme historish rreth pakënaqësisë në ushtrinë ruse.
Prezantuesi i televizionit shtetëror Vladimir Solovyov hodhi pretendimin e çuditshëm se pushtimi i Ukrainës është një “luftë e shenjtë”. Nga ana tjetër deputeti i Dumës së Shtetit, Vyacheslav Nikonov shkoi se Rusia është “mishërimi i forcave të së mirës”.
“Kjo është me të vërtetë një luftë e shenjtë që ne po bëjmë dhe duhet të fitojmë”, tha ai.
Artemiy Vladimirov, kryeprifti i Kishës Ortodokse Ruse, pretendon se ushtarët që luftojnë për Rusinë “ringjallen pasi vriten” në një përpjekje për të rritur motivin. Këto deklarata vijnë disa ditë pasi Putin u tha udhëheqësve industrialë ushtarakë se do të garantonte fitoren në Ukrainë. Ai po bënte thirrje për rritje të efikasitetit për të rritur arsenalin e Rusisë.
