Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
BOTA
Ushtari izraelit rrëfen torturat e Hamasit: Vendosën dy tela mbi plagët e mia dhe korrent
Nga Xhuljan FerzajPërditësimi i fundit 27 Shkurt 2026, 11:44
Angrest u rrëmbye pranë Nahal Oz, ku po shërbente në një njësi të specializuar tankesh me pajisje sekrete.
Ai ishte i vetmi anëtar i ekuipazhit të tankut që i mbijetoi sulmit, pasi shokët e tij u vranë në vend dhe trupat e tyre u dërguan në Rripin e Gazës, shkruan Jerusalem Post, raporton Piranja News.
"U zgjova në Gaza në një shtëpi dhe nuk munda t'i hapja sytë ose të lëvizja dorën dora ime ishte djegur", përshkroi ai në emisionin "Uvda" të Channel 12.
"Kur më në fund arrita t'i hapja sytë, pashë tetë persona të ulur përpara meje. Ata filluan të më pyesnin gjëra të tilla si: 'Ku shërbeni?', por po më flisnin në arabisht dhe unë nuk munda t'i kuptoja", vazhdoi ai.
"Pastaj dikush erdhi me dy tela dhe i vuri mbi plagët e mia. Ndjehesha sikur po më rrymonin. Bërtita nga dhimbja dhe pastaj ma bëri përsëri", i tha ai gazetarit.
Sipas gazetës Jerusalem Post, e cila e ritransmetoi intervistën, militantët e Hamasit e njihnin tashmë njësinë në të cilën shërbente ushtari i ri dhe se, si i vetmi i mbijetuar, ai mund t'u jepte atyre informacione që mund të ndihmonin në suksesin e akteve të ardhshme terroriste.
Për të nxjerrë informacionin që donin prej tij, ata e merrnin në pyetje dhe e torturonin vazhdimisht.
"Iu nënshtrova torturave ekstreme, goditjeve elektrike, një traumë që nuk do ta kaloj kurrë. Marrja në pyetje më e gjatë zgjati rreth tetë orë rresht, ku më detyruan të thoja gjëra që do të preferoja të vdisja sesa t'i zbuloja", tha Angrest.
Në intervistën e tij, ish-penguesi i mbijetuar tha se u mbajt në izolim për javë të tëra, si në ndërtesa ashtu edhe në tunele nëntokësore.
Për një kohë të shkurtër ai u çua në një vend ku u mbajt bashkë me pengun tjetër Gali Berman. Megjithatë, më vonë ai u izolua përsëri dhe marrjet në pyetje vazhduan.
"I thoja Galit: 'Kam frikë. Nuk e di çfarë do të më bëjnë. Si do të fle natën?'"
Matan Angrest u lirua në tetor 2025, si pjesë e marrëveshjes Hamas-Izrael për t'i dhënë fund luftës./Përshtati në shqip Piranja News
