Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Ushtria izraelite shënjestron gazetarët në Gaza/ Një i vdekur dhe një i plagosur rëndë, Al Jazeera: Kjo është një shkelje flagrante e ligjeve ndërkombëtare që mbrojnë shtypin...
E.DPërditësimi i fundit 9 Tetor 2024, 20:08
GAZA- Ushtria izraelite ka vënë në shënjestër një numër gazetarësh që punonin në Jabalia në Rripin verior të Gazës këtë pasdite me të shtëna me armë zjarri, duke vrarë të paktën një dhe duke plagosur rëndë operatorin e kamerës arab të Al Jazeera, Fadi Al Wahidi në qafë. Siç duket ushtrisë izraelite nuk i pëlqen asnjë zë kritik që flet për mizoritë e shumta që janë kryer për një vit të tërë gjenocidi.
Gjithashtu 72 orët e fundit kanë qenë të vështira për gazetarët. Ndërkohë që kamramani i Al Jazeera-s që u vu në shënjestër. është në gjendje kritike. Ndërsa kolegu tjetër u godit nga dy copa të vogla të predhave fluturuese kur ishte në çadrën e tij duke fjetur. Po ashtu një gazetare që punonte për një kanal lokal u vra në orët e para të mëngjesit, në shënjestër të një kuadrati.
Al Jazeera ka lëshuar një deklaratë duke dënuar këtë sulm, duke thënë se "Ky incident shënon një tjetër shkelje të rëndë kundër gazetarëve në Gaza, ku forcat izraelite kanë qenë gjithnjë e më armiqësore ndaj punonjësve të medias. Al Wahidi po mbulonte bombardimet izraelite dhe pushtimin tokësor të kampit Jabalia, i cili ka hyrë në ditën e tij të pestë. Ushtria izraelite ka urdhëruar të gjithë banorët të evakuojnë kampin, por vazhdon të sulmojë këdo që tenton të lëvizë, ndërsa kolegu Ali Al-Attar po mbulonte kushtet e të zhvendosurve në Deir al-Balah.
Skenësimi i qëllimshëm i gazetarëve është një shkelje flagrante e ligjeve ndërkombëtare që mbrojnë shtypin dhe punonjësit humanitarë në zonat e luftës. Al Jazeera i bën thirrje urgjentisht komunitetit ndërkombëtar që të ndërmarrë veprime të menjëhershme për të garantuar sigurinë e gazetarëve dhe civilëve në Gaza dhe të mbajë përgjegjës Forcat pushtuese izraelite për krimet e tyre të përsëritura kundër gazetarëve.”
