Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
BOTA
"Vajza, ka ardhur ora e sek*it! Vetëm ato me gj*ks të madh”/ Menaxheri i shtëpisë së famshme të modës denoncohet në polici. Ja çfarë iu gjet në zyrë
PiranjatPërditësimi i fundit 30 Qershor 2026, 21:33
"Vajza, ka ardhur ora e seksit"; "Largohu, ajo është radha e atyre që kanë gjoks, ndërsa ti nuk ke"; "Je shëndoshur". Këto janë disa nga shprehjet seksiste dhe ngacmimet që një drejtues i lartë i shtëpisë së modës luksoze “Balenciaga” u ka drejtuar punonjëseve të tij. Kompania, me seli në Scandicci, pranë Firences, pasi mori denoncimet, e shkarkoi menjëherë nga detyra.
Klima brenda kompanisë
Ai imitonte tingullin e një zileje ose u drejtohej punonjëseve me fjalë fyese si: "Ti ha gjithë kohën", "Pse je kaq e errët? Je marokene?" Siç raporton Corriere Fiorentino, vendimi i shtëpisë së modës luksoze për ta shkarkuar u mor në mënyrë të menjëhershme dhe u konfirmua edhe nga Seksioni i Punës i Gjykatës së Firences, i cili hodhi poshtë ankimimin e ish-menaxherit. Sipas gjykatësve, sjellja e tij në repartet e kompanisë kishte kontribuar në krijimin e një mjedisi pune të karakterizuar nga mungesa e respektit, degradues dhe poshtërues për punonjëset.
Denoncimi nga punonjëset
Menaxheri i lartë kishte nisur punën në kompaninë toskane në vitin 2015. Falë një sërë promovimesh, ai arriti të mbante poste me përgjegjësi dhe prestigj të lartë. Në vitin 2023, drejtoria i njoftoi nisjen e një procedure disiplinore. Shtëpia e modës kishte marrë disa denoncime anonime dhe, në pyetësorin për vlerësimin e klimës në vendin e punës, punonjëset që bashkëpunonin çdo ditë me menaxherin i kishin dhënë një vlerësim shumë të ulët rubrikës që lidhej me diskriminimin. Gjatë një mbledhjeje verifikuese u vu re se punonjëset e ekipit dukeshin shpesh në siklet dhe hezitonin t'u shpjegonin drejtuesve arsyet e atij vlerësimi. Sjellja e drejtuesit shpesh përshkallëzohej në agresione fizike dhe poshtërime publike. Sipas dokumenteve të procesit, gjatë një mbledhjeje pune ai "e lidhi një punonjëse në një karrige me një llastik, pa dëshirën e saj dhe në prani të kolegëve".
Në korridoret e kompanisë, vibratorët dhe komentet seksiste, sipas dëshmive, ishin bërë të zakonshme. Po ashtu, raportohen edhe "goditje në të pasme, deri në shuplaka", si dhe ftesa të vazhdueshme drejtuar punonjëseve që të mos mbanin reçipeta apo veshje të tjera intime në vendin e punës.
Zbulimi i ngacmimeve dhe vendimi për shkarkimin
Për të sqaruar çështjen, kompania vendosi të zhvillonte një hetim të brendshëm, duke zhvilluar intervista individuale dhe konfidenciale me punonjëset, pa praninë e eprorëve të tyre. Pikërisht gjatë këtyre bisedave dolën në dritë "sjelljet e padëshiruara, që pretendohet se ishin kryer ndaj disa punonjëseve". Në total u kontestuan 18 episode, të ndodhura mes viteve 2021 dhe 2023. Këto akuza e shtynë kompaninë që, më 27 nëntor të atij viti, të firmoste shkarkimin e menaxherit.
Komente edhe për fenë
Komentet fyese të menaxherit nuk kufizoheshin vetëm te aspekti seksual, por preknin edhe sferën personale, racore dhe fetare. Një punonjëseje ai i kishte pyetur nëse ishte me origjinë marokene. Kur ajo iu përgjigj se ishte hebreje, ai i tha: "A është e vërtetë që ju hebrenjtë kryeni marrëdhënie seksuale me një çarçaf që ka një vrimë?"
Vendimi i gjykatës
Menaxheri u përpoq t'i kundërshtonte akuzat si gjatë procedurës disiplinore, ashtu edhe në gjykatë. Gjykatësja Barbara Fatale e hodhi poshtë ankimimin, duke konfirmuar se shkarkimi ishte plotësisht i ligjshëm. Në arsyetimin e vendimit thuhet se situata e krijuar në kompani kishte kontribuar në krijimin e një mjedisi pune të karakterizuar nga mungesa e respektit ndaj punonjëseve.
Sipas gjykatës, sjellja e drejtuesit tregonte indiferencë dhe përçmim ndaj profesionalizmit dhe dinjitetit të kolegeve, duke krijuar një ambient pune degradues dhe poshtërues. /PiranjatNews/
