Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
BOTA
VIDEO/ Dy nga jahtet më luksoze në botë përplasen në Napoli, ja në pronësi kujt janë
r.llPërditësimi i fundit 8 Gusht 2024, 19:58
perplasja
ITALI- Dy nga jahtet luksoze më të famshme në botë, në pronësi po ashtu të njerëzve më të pasur në botë, u përplasën me njëri tjetrin, ndërsa ishin ankoruar në brigjet e Napolit në Itali.
Miliarderi meksikan Ricardo Salinas Pliego ndau në rrjetet e tij sociale një video ku shihej se si jahti lukoz "Venus", i cili i themeluesit të Apple Steve Jobs tashmë në pronësi të gruas së tij të ve, lëvizte drejt mega jahtit të tij Lady Moura.
Në video dëgjohen anëtarët e ekuipazhit duke bërtitur në përpjekje për të tërhequr vëmendjen e ekuipazhit të mjetit tjeter lundrues.
"Nuk do ta besoni, por jahti ynë u godit ndërsa ishim në Napoli. Jahti i Steve Jobs, themeluesit të Apple (tani në pronësi të gruas së tij Laurene), na goditi teksa ishim të ankoruar para Napolit. Do të doja të dija se çfarë po bënin kapiteni dhe ekuipazhi që nuk panë një jaht aq të madh sa imi përpara. Për fat të mirë nuk ka ndodhur asgjë, por është një gërvishtje e dukshme, e cila do të kushtojë shumë për ta rregulluar. Këtu po e lë videon, që të shihni se nuk mungojnë gomarët në botë dhe të kuptoni se sa e rëndësishme është të kesh një kapiten të përgjegjshëm dhe të vëmendshëm në komandë. Le të vazhdojmë të shijojmë pushimet.”.- shkruante Salinas.
