VIDEO/ Gjermania "pushtohet" nga reshjet intensive, rrugët kthen në lumenj, ndërpriten linjat e trenave

GJERMANI- Stuhitë e forta shiu goditur perëndimin e Gjermanisë, duke shkaktuar përmbytje të menjëhershme, dëme materiale dhe ndërprerje të transportit publik. BILD raporton se rrebeshet intensive shiu dhe breshëri sollën përmbytje në rrugë dhe bodrume, veçanërisht në zonat Euskirchen, Bonn dhe rrethin Rhein-Sieg.

Gjithashtu linja të shumta hekurudhore në Rheinland-Pfalz janë pezulluar si pasojë e stuhisë. Kompania hekurudhore DB Regio AG njoftoi se linjat RB62, RB63, RB64 dhe RB67 janë ndërprerë, përfshirë raste ku pema të rrëzuara kanë bllokuar shinat.

Ndërkohë shërbimi Meteorologjik Gjerman (DWD) ka paralajmëruar për rreziqe të mëtejshme përmbytjeje dhe stuhi të forta në zonat jugore të North Rhine-Westphalia gjatë pasdites dhe mbrëmjes së sotme, me reshje të dendura shiu që priten në mënyrë të lokalizuar. Autoritetet u bëjnë thirrje qytetarëve të shmangin udhëtimet e panevojshme dhe të ndjekin udhëzimet zyrtare për sigurinë.

Që të premten, meteorologët paralajmëruan për stuhi të forta shiu. madje edhe tornado. DWD ka lëshuar gjithashtu një paralajmërim zyrtar për mot të keq për Rheinland-Pfalz. Sipas DWD mund të ndodhin goditje nga rrufeja, rrëzime pemësh, skelash ose linjash të tensionit të lartë. Përmbytje, dëmtime ndërtesash ose breshër janë gjithashtu të mundshme deri në pasdite.

DWD gjithashtu thotë se problemi është sepse temperaturat janë të larta, ndonjëherë rreth 30 gradë, por ajri është gjithashtu shumë i lagësht. Është tepër i lagësht dhe në disa vende ka erëra të forta.

Stuhi të nxehta priten për pasditen, veçanërisht midis Saarland dhe Frankfurt/Main dhe në veri të Baden-Württemberg. Sipas DWD-së, janë të mundura reshje të dendura shiu deri në 40 litra për metër katror, ​​si dhe breshër me diametër deri në 3 centimetra.