VIDEO/ Ishte rinovuar së fundmi, një pjesë e një tempulli 650-vjeçar në Kinë shembet brenda pak sekondash

tempulli

KINË- Një hetim ka filluar në Kinën lindore pas shembjes së një pjese të një tempulli që daton që nga viti 1375 dhe është rinovuar vetëm vitin e kaluar. Incidenti ndodhi më 19 maj, kur çatia e tempullit në Fengyang u shemb papritur si një kullë letre, vetëm një hap larg turistëve që ndodheshin në zonë.

Videot që qarkullojnë në mediat sociale tregojnë një pjesë të çatisë që shembet brenda sekondave, duke krijuar re pluhuri, ndërsa kalimtarët vrapojnë për t'i shpëtuar në panik.

Sipas Departamentit lokal të Kulturës dhe Turizmit, incidenti ndodhi në orën 6:30 të pasdites, në anën lindore të çatisë së tempullit. Për fat të mirë, nuk u raportua për të lënduar.

Autoritetet aktivizuan menjëherë protokollin e emergjencës, evakuuan zonën dhe bllokuan hyrjen. Në të njëjtën kohë, u formua një ekip për të hetuar shkaqet e shembjes. Tempulli u ndërtua në vitin 1375, gjatë Dinastisë Ming, dhe përbëhet nga një bazë e ngritur dhe ndërtesa kryesore.

Baza e saj është njohur si një monument i rëndësishëm kulturor i Provincës Anhui që nga viti 1989. Lajmi për shembjen shkaktoi zemërim dhe shqetësim në mediat sociale, me shumë përdorues që e komentuan incidentin si të papranueshëm, duke pasur parasysh se monumenti ishte riparuar së fundmi.