Analisti Enton Abilekaj ka reaguar për marrëveshjen që pritet të shqyrtohet në Kuvend, duke paralajmëruar se miratimi i saj pa u...
BOTA
VIDEO/ Momenti tronditës kur trupi i 19-vjeçares shqiptare nxirret nga hoteli pa ndjenja
PiranjatPërditësimi i fundit 15 Prill 2026, 18:24
Pamje video që tregojnë lëvizjet e fundit para gjetjes së 19-vjeçares Myrto në Argostoli janë publikuar nga media greke Protothema.
Në video shfaqet momenti kur e reja mbërrin në hotel, si dhe momenti kur ajo nxirret jashtë prej tij, ndërsa duket se është pa ndjenja. Në videon e parë, në orën 04:31, regjistrohet hap pas hapi ish-kampioni i peshëngritjes duke transportuar vajzën pa ndjenja nga hoteli drejt sheshit të zonës, ku më pas u la aty.
Në një tjetër video nga kamerat e sigurisë, 19-vjeçarja shihet më herët duke mbërritur në hotel në orën 00:27 të mëngjesit të 14 prillit dhe, së bashku me një burrë që mban veshur një xhaketë gri, ngjiten shkallëve.
Të arrestuarit u shtirën si të paditur
Sipas dosjes hetimore të ngritur për çështjen, ekipet e urgjencës mbërritën në shesh rreth orës 04:35 të mëngjesit dhe gjetën vajzën të shtrirë mbi një mur të ulët buzë trotuarit. Në vendngjarje ndodheshin edhe dy të rinjtë e përmendur (të cilët janë arrestuar), të cilët deklaruan se e kishin gjetur 19-vjeçaren pak më herët në rrugë dhe se nuk e njihnin.
Sa i përket ngjarjeve që paraprinë braktisjen e Myrtos në shesh, në dosje përshkruhen me detaje, hap pas hapi:
Rreth orës 00:27, Myrto hyri në ndërtesën ku ndodhej dhoma me qira, së bashku me një mik të saj (i treti nga të arrestuarit). Në orën 02:21, ish-peshëngritësi hyri në ndërtesë dhe u ngjit shkallëve. Rreth orës 02:52, ish-sportisti doli nga ndërtesa dhe u kthye në 03:11. Rreth orës 03:27, në ndërtesë hyri 22-vjeçari shqiptar duke mbajtur në dorë një telefon celular. Në orën 04:31, 22-vjeçari shihet duke zbritur shkallët dhe pas tij vjen ish-peshëngritësi, i cili mban në krahë Myrton. Në orën 04:46, ish-sportisti shfaqet sërish duke dalë nga ndërtesa, pa u regjistruar hyrja e tij. Në orën 05:14, nga ndërtesa del miku i Myrtos (i treti i arrestuar), i cili sipas hetimeve policore kishte qëndruar në dhomë për ta pastruar atë bashkë me ish-peshëngritësin dhe për të fshehur telefonin e 19-vjeçares. Pretenduan se kalonin rastësisht nga vendi ku u gjet e reja
Sipas informacioneve, kur ambulanca mbërriti për të marrë Myrton në orët e para të mëngjesit, ekipet e emergjencës e gjetën vajzën të veshur dhe pa shenja të dukshme dëmtimi.
26-vjeçari dhe 22-vjeçari, të cilët janë arrestuar për rastin, ndodheshin në vend dhe u thanë shpëtimtarëve se po kalonin rastësisht aty dhe e gjetën 19-vjeçaren pa ndjenja. Ndërkohë, 23-vjeçari ishte kthyer në hotel për të pastruar hapësirën ku ishte përdorur kokainë, si dhe kishte fshehur telefonin e saj celular brenda një dyqani në zonë.
Myrto dyshohet se ka përdorur kokainë dy herë
Myrto fatkeqe dyshohet se ka përdori kokainë me nxitjen e 23-vjeçarit me të cilën kishte shkuar në hotel. Ish -peshëngritësi 26-vjeçar u gjet në hotel me drogën dhe e përdori atë. Më pas ai u largua dhe u kthye me një sasi të re kokaine. Herën e dytë me të në hotel shkoi edhe 22-vjeçari shqiptar, i cili sipas burimeve policore nuk përdori drogë. Më pas 19-vjeçarja me sa duket nuk e duroi dot dhe humbi ndjenjat.
