VIDEO/ Sulmoi me thikë 6 kalimtarë, arrestohet agresori në Zvicër, dy të plagosur në gjendje të rëndë

Foto ilustruese

ZVICËR- Një sulm me thikë është regjistruar pasditen e djeshme në Zvicër ku një burrë plagosi gjashtë persona. Sipas raportimeve dy prej të plagosurve janë në gjendje të rëndë. Ngjarja u regjistrua në qytetin Schoffingen në kantonin verior të Zvicrës kur një person sulmoi me thikë kalimtarët. 

"I dyshuari është me origjinë të huaj dhe rreth 40 vjeç", tha policia, e cila theksoi se nuk dinë shumë për të.  Autoritetet besojnë se i dyshuari ka vepruar i vetëm dhe se publiku nuk është më në rrezik, ndërsa ende nuk kanë dhënë asnjë informacion për motivin e tij.

Rreth orës 16:00 me orën lokale autori sulmoi fillimisht një kalimtar në stacionin e trenit të këtij qyteti me rreth 12,000 banorë, i cili ndodhet rreth gjashtëdhjetë kilometra në jug të Bazelit dhe në të njëjtën distancë në perëndim të Cyrihut. Më pas ai vazhdoi të sulmonte disa persona, me sa duket pa dallim, përpara se të fshihej në një shtëpi, thuhet në deklaratën e policisë.

Pas rreth dy orësh dhe pasi një ekip special i policisë ka kontaktuar me të, burri është arrestuar nga forcat e rendit. Ai gjithashtu u plagos dhe u dërgua në spital, tha zëdhënësi i policisë së kantonit Bernhard Grasser. Në mesin e të plagosurve janë dy anëtarë të stafit mësimdhënës të shkollës publike në Schöfingen, ka konfirmuar drejtori i saj Patrick Stressler Ai vuri në dukje se anëtarët e stafit u sulmuan jashtë ambienteve të shkollës, por nuk dha detaje mbi gjendjen e tyre shëndetësore.

Gruaja shtatzënë e cila u sulmua nga burri i panjohur ka pësuar lëndime në fytyrë dhe ënjtje, por është mirë dhe nuk ka rrezik për jetën ose për fëmijën. Pamjet e shfaqura në faqen e internetit të Aargauer Zeitung tregojnë një operacion të forcave të policisë dhe ekuipazheve të shpëtimit. Ato tregojnë kryesisht anëtarë të forcave të rendit me helmeta dhe jelek antiplumb që mbajnë armë në brez teksa marrin pajisje nga një automjet i zi.

zvicer sulm me thike plagosje