Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
VIDEO/ U fut brenda kishës dhe i drejtoi armën priftit, arrestohet 26-vjeçari në SHBA, pistoleta u bllokua para se autori të qëllonte
n.fPërditësimi i fundit 6 Maj 2024, 15:57
Atentati
SHBA- Një tentativë vrasjeje është përandaluar gjatë shërbesës së së dielës në një kishë në qytetin Paddock të Pensilvanisë. Një person i armatosur tentoi të qëllonte pastorin por fatmirësisht arma iu bllokua. Në videon që qarkullon në internet duket 26-vjeçari, Bernard Polite i cili hyri në kishën e Vendbanimit të Jezusit në orën 13:00 të dielën, ndërsa pastori Glenn Germani po mbante predikimin e tij.
Në një moment i riu del para priftit dhe i drejton armën për ta qëlluar por arma u bllokua dhe nuk funksionoi. Një person nga mbrapa afrohet dhe kap autorin duke e ndaluar të veprojë më tej ndërsa prifit afrohet për ti hequr armën. Prifti e quajti hero personin që vrapoi për ta ndihmuar pa u menduar, ndërsa tregoi se ka folur edhe me autorin pasi u arrestua nga autoritetet.
— Citizen Free Press (@CitizenFreePres) May 6, 2024
“Më tha se ishte i ndikuar nga shpirtrat dhe se kishte ardhur në kishë se donte të vriste dikë”, tha ai në mënyrë karakteristike për 26-vjeçaren. Polite, i cili akuzohet për tentativë vrasje dhe vepra të tjera, i tha pastorit se po dëgjonte zëra dhe i kërkoi që ta falte.
Prifti përshkroi për rrjetin televiziv sesi sulmuesi i buzëqeshi para se të përpiqej ta vriste para vajzës së tij 14-vjeçare, e cila po shikonte shërbimin nga stolat.
“Ajo që më lëndoi më shumë ishte paniku i vajzës sime. Më duhej të dukesha e fortë për të, por ishte shumë e vështirë për mua”, theksoi prifti.
Sipas CBS Neës, policia po heton një vrasje në shtëpinë ku Polite jetonte para arrestimit të tij. Ende nuk janë bërë të ditura detajet e krimit dhe nuk dihet nëse personi i arrestuar është përgjegjës.
