Tensione dhe përplasje verbale janë shënuar para Ministrisë së Arsimit, ku protestuesit u janë drejtuar efektivëve të ...
BOTA
Vritet brutalisht me thikë 26-vjeçarja/ Misteri thellohet pas lirimit të të dyshuarit, miqtë e saj përlotin rrjetin me mesazhet prekëse
PiranjatPërditësimi i fundit 17 Tetor 2026, 09:52
Miqtë dhe të afërmit e Alisha Samuels, 26 vjeçe, kanë publikuar mesazhe prekëse në nder të saj, pasi e reja u vra me thikë në një zonë periferike të Mançesterit.
Ndërkohë, hetimet për ngjarjen vijojnë, ndërsa 25-vjeçari i arrestuar fillimisht nën dyshimin për vrasje është liruar me kusht, në pritje të hetimeve të mëtejshme.
Alisha u gjet me plagë fatale nga thika të enjten, në zonën Newton Heath të Mançesterit. Policia u thirr në Dorking Avenue rreth orës 02:00 të mëngjesit, pasi banorët raportuan se kishin dëgjuar britma dhe të bërtitura jashtë banesave të tyre.
Sipas dëshmitarëve, në vendngjarje u pa një automjet që u përplas me forcë me një furgon policie, ndërsa një burrë u nxor nga makina. Një 25-vjeçar u arrestua fillimisht nën dyshimin për vrasje, por më pas u lirua me kusht, ndërsa autoritetet vijojnë hetimet.
Rrethanat e plota të vdekjes së 26-vjeçares mbeten ende të paqarta. Policia po kërkon informacione të reja dhe po heton mundësinë e përfshirjes së personave të tjerë në ngjarje.
Pas lajmit tragjik, rrjetet sociale janë mbushur me mesazhe dhimbjeje dhe fotografi të Alishës. Miqtë e saj e kanë përshkruar si një vajzë të dashur, plot humor dhe me një zemër të madhe.
Mikja e saj e ngushtë, Aimee Quinn, shkroi në Facebook se nuk arrin ta besojë humbjen dhe se nuk e di se si do ta përballojë jetën pa bisedat e përditshme me të.
Ajo kujtoi të qeshurat, udhëtimet dhe planet që kishin bërë së bashku për të eksploruar botën, duke theksuar se Alisha ishte për të më shumë se një shoqe, një motër e vërtetë.
“Ti ishe më shumë motër për mua sesa shoqe, një dëgjuese e mirë dhe e bukur nga brenda dhe jashtë”, shkroi ajo në mesazhin e saj prekës.
Një tjetër mike e përshkroi Alishën si një nga njerëzit më të sjellshëm dhe më gazmorë që kishte njohur, duke thënë se do të ishte gjithmonë mirënjohëse që kishte pasur mundësinë ta njihte.
Edhe Carris Mallon, një tjetër mike e saj, e kujtoi me fjalë të ndjera, duke shkruar se nuk e di se si do të jetojë pa të dhe se miqësia e tyre do të mbetet e përjetshme.
Ngjarja ka tronditur edhe banorët e zonës. Një banor 67-vjeçar, Keith Steel, tregoi se bashkëshortja e tij ishte zgjuar nga britmat gjatë orëve të para të mëngjesit.
Ndërkohë, një grua që vendosi lule në vendin e ngjarjes tha se vajza e saj kishte ndjekur të njëjtën shkollë me Alishën. Ajo e kujtoi 26-vjeçaren si një vajzë inteligjente, të bukur dhe me një buzëqeshje që ndriçonte çdo ambient.
Policia rrethoi zonën e ngjarjes për të mbledhur prova, ndërsa ekspertët mjekoligjorë vijuan punën në kuadër të hetimeve.
Inspektori i lartë i detektivëve, Justin Bryant, i cili drejton hetimin, deklaroi se autoritetet po punojnë intensivisht për të identifikuar dhe lokalizuar të gjithë personat që mund të kenë qenë të përfshirë në vdekjen e Alishës.
Ai theksoi se lirimi me kusht i 25-vjeçarit nuk nënkupton përfundimin e hetimeve dhe u bëri thirrje qytetarëve të mos spekulojnë për rrethanat e ngjarjes.
Sipas tij, përhapja e informacioneve të pakonfirmuara mund të pengojë hetimin dhe të shkaktojë vuajtje të mëtejshme për familjen e viktimës.
Familja e Alisha Samuels ka kërkuar privatësi gjatë kësaj periudhe të vështirë, ndërsa policia u ka bërë thirrje të gjithë personave që kanë informacion për ngjarjen të kontaktojnë autoritetet.
Hetimet vijojnë, ndërsa ende nuk janë bërë publike të gjitha rrethanat që
