Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
BOTA
Vullnetarët e "SOS Mediterranee": Banditë të armatosur ndërpresin shpëtimin e emigrantëve në Mesdhe
n.fPërditësimi i fundit 10 Korrik 2024, 19:09
Sulmi
LIBI- Një grup shpëtimtarësh që mundoheshin të shpëtonin emigrantët në Mesdhe janë shprehur se një nga misionet e tij u ndërpre nga banditë të armatosur që hipën në varkën e mbingarkuar të kontrabandistëve. Sipas tyre pas sulmit ata u larguan me shpejtësi pasi migrantët u hodhën në det.
Grupi tha se ngjarja ndodhi rreth 46 milje detare në veri të Zuëara në bregun perëndimor të Libisë, një pikë e shpeshtë nisjeje për operacionet e kontrabandës për të sjellë emigrantë në Evropë. Vullnetarët e SOS Mediterranee po ndihmonin në transferimin e 93 pasagjerëve nga anija prej druri në anijen e tyre të shpëtimit kur dy gomone u afruan.
Një bandit i maskuar u hodh mbi varkën e emigrantëve, duke shkaktuar panik tek pasagjerët e mbetur, të cilët u hodhën në det. Banditi mori nën kontroll varkën e zbrazët dhe e largoi atë nga vendi i ngjarjes ndërsa ekuipazhi i SOS Mediterranee nxirrte njerëzit nga deti.
Nuk ishte e qartë nëse banditët po përpiqeshin të merrnin varkën për operacionet e ardhshme të kontrabandës. Shpesh, kur autoritetet detare italiane ndeshen me varka të tilla, ato i fundosin qëllimisht për shkak të sigurisë detare.
Autoritetet italiane thonë se prania e anijeve të shpëtimit humanitar në Mesdhe vetëm i inkurajon emigrantët të ndërmarrin udhëtime të rrezikshme, një akuzë që ata e mohojnë.
Shpëtimi ishte një nga disa të raportuara nga grupet e shpëtimit këtë javë, pasi kontrabandistët duket se po përfitojnë nga detet shpesh të qeta të verës. Sipas statistikave të ministrisë së brendshme , numri i emigrantëve që mbërrijnë në Itali këtë vit me anije – 27,744 – është më pak se gjysma e 72,036 që kishin mbërritur në këtë kohë vitin e kaluar.
