Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
Zbulohen parcela me kanabis në Shkodër, Kukës dhe Vlorë/ Asgjësohen 6065 bimë, identifikohen katër kultivues
E.DPërditësimi i fundit 7 Qershor 2024, 12:51
pamje nga vendngjarja
SHKODËR- Policia e shetit ka zbuluar disa parcela kanabisi në Shkodër, Kukës dhe Vlorë. Bëhet me dije se janë asgjësuar 6065 bimë kanabisi. Gjithashtu janë identifikuar edhe katër kultivues. Në fshatin Mazhar policia ka gjetur 41 bimë narkotike në proces tharjeje. Gjithashtu ka identifikuar 4 autorët e kultivimit të këtyre bimëve.
Ndërsa në Hasë policia ka gjetur 1570 bimë narkotike ku dhe ka nisur procedimi në gjendje të lirë për kryeplakun e fshatit dhe për inspektorin e pyjeve, për veprat penale si “Shpërdorimi i detyrës” dhe “Moskallëzimi i krimit”. Po ashtu në Shkodër policia ka gjetur 3754 bimë narkotike
Njoftimi i Policisë:
Policia e Shtetit/Vijon megaoperacioni kombëtar anticannabis i koduar “Territor i pastër”. Kontrolle intensive në të gjithë territorin e vendit, me qëllim evidentimin dhe goditjen e tentativave për kultivim të bimëve narkotike.
Si rezultat i kontrolleve, gjenden në qarqet Shkodër, Kukës dhe Vlorë, dhe asgjësohen 6065 bimë cannabisi. Identifikohen 4 autorë të kultivimit të bimëve narkotike në Selenicë. Procedohen penalisht 2 kryepleq fshatrash dhe 2 inspektorë pyjesh, për shpërdorim detyre dhe për moskallëzim krimi.
Gjatë kontrolleve të kryera me mbështetjen e inteligjencës policore, në vijim të megaoperacionit mbarëkombëtar të koduar “Territor i pastër”, janë goditur disa raste të tjera të kultivimit të bimëve narkotike, konkretisht:
shërbimet e Stacionit të Policisë Selenicë kanë gjetur në fshatin Mazhar, 741 bimë narkotike në proces tharjeje. Policia ka identifikuar 4 shtetas (vëllezër), autorë të dyshuar të kultivimit të këtyre bimëve, dhe po punon për kapjen e tyre. Gjithashtu, ka nisur procedimi penal për kryeplakun e fshatit Mazhar dhe për inspektorin e pyjeve, për veprën penale “Shpërdorimi i detyrës”;
shërbimet e Komisariatit të Policisë Has kanë gjetur në fshatin Zahrisht, 1570 bimë narkotike. Për këtë rast janë referuar materialet në Prokurori ku ka nisur procedimi në gjendje të lirë për kryeplakun e fshatit dhe për inspektorin e pyjeve, për veprat penale “Shpërdorimi i detyrës” dhe “Moskallëzimi i krimit”.
shërbimet e DVP Shkodër kanë gjetur në njësitë administrative Postribë dhe Toplanë, 3754 bimë narkotike.
Strukturat hetimore të drejtorive vendore të Policisë Vlorë, Shkodër dhe Kukës, në bashkëpunim me prokuroritë respektive, vijojnë punën për identifikimin, kapjen dhe nxjerrjen përpara përgjegjësisë penale, të autorëve të kultivimit të bimëve narkotike.
