Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
BOTA
Zbulohet identiteti i Banksy-t/ Kush është Robin Gunningham, që u bë artisti i rrugës numër një në botë
PiranjatPërditësimi i fundit 13 Mars 2026, 19:24
Në vitin 2008, gazeta Mail on Sunday kishte të drejtë kur deklaronte se Banksy, artisti më i njohur i artit të rrugës në botë, ishte Robin Gunningham, i lindur në vitin 1973 në Bristol. Por ndërkohë, ai burrë ndoshta për të mbrojtur anonimitetin që ka ndihmuar në krijimin e legjendave rreth grafiteve të tij të realizuara me stencil dhe bojë e ka ndryshuar ligjërisht emrin dhe është bërë David Jones, një nga emrat më të zakonshëm në Britaninë e Madhe dhe gjithashtu emri i pagëzimit i David Bowie, alter egoja e të cilit Ziggy Stardust frymëzoi portretin që Banksy i bëri Mbretëreshës Elizabeth.
Këtë e zbulon një hetim i Reuters, i cili ka krahasuar të gjitha detajet e njohura për artistin shumë popullor – duke filluar nga çdo foto dhe video ku Banksy shfaqet edhe me fytyrë të mbuluar – me dokumente të reja vendimtare (veçanërisht ato që lidhen me një arrestim të ndodhur në vitin 2000 në New York).
Gazetarët Simon Gardner, James Pearson dhe Blake Morrison, duke u nisur nga një vepër e realizuar nga Banksy në Ukrainë në vitin 2022, kanë hetuar çdo gjurmë të lënë nga artisti, duke arritur edhe në një përfundim tjetër: Robert Del Naja, frontmeni i grupit Massive Attack, i cili prej vitesh është dyshuar fort se mund të jetë Banksy, është me siguri një bashkëpunëtor i artistit, me të cilin mund të ketë realizuar edhe disa vepra së bashku.
