Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
BOTA
Zjarret në Kaliforni/ Shkon në 24 numri i të vdekurve, 16 prej tyre rezultonin të zhdukur, u gjetën gjatë kontrolleve në banesat e djegura
n.fPërditësimi i fundit 13 Janar 2025, 08:09
Zjarri
SHBA- Numri i të vdekurve nga zjarret në zonën e Los Angeles u rrit në 24. Gjashtëmbëdhjetë njerëz u vranë në zjarrin Eaton dhe tetë në zjarrin në Palisades, sipas mjekëve të kontesë së Los Anxhelosit.
Zjarret vazhdojnë në Los Angeles, me paralajmërimet e meteorologëve për një rritje të erërave të forta nga mbrëmja e së dielës. 16 persona rezultuan të zhdukur, me ekipet e shpëtimit që tani i japin përparësi nxjerrjes së mbetjeve në zonat ku është e sigurt për t'u kthyer.
Sherifi i kontesë së Los Angelesit, Robert Luna tha se qentë po ndihmonin 40 ekipe kërkimi dhe shpëtimi të pastrojnë lagjet e dëmtuara dhe kishte frikë se numri i të vdekurve mund të rritej ndërsa po kryheshin kontrollet shtëpi më shtëpi.
Më herët gjatë ditës, zjarre të reja filluan të rindizen në terrenin e thyer të Pyllit Kombëtar të Angeles, por ekuipazhet mundën të frenonin flakët. Dy zjarret më të mëdha, Palisades dhe Eaton tani mbulojnë një sipërfaqe të kombinuar prej 38,000 hektarësh dhe janë kontrolluar përkatësisht me 11% dhe 27%. Zjarri Hurst ka djegur 799 hektarë dhe është nën kontroll 89 për qind.
