Dhjetëra anëtarë dhe simpatizantë të Partisë Demokratike nga Vlora, Himara dhe Saranda janë nisur drejt Tiranës, ku sot ...
AKTUALITET
Garda thirrje Ramës: Nuk mund të presim më! Rrit pagat
PiranjatPërditësimi i fundit 31 October 2026, 11:15
Garda e Republikës kërkon rritje pagash dhe i drejtohet kryeministrit Edi Rama, duke paralajmëruar se nuk mund të pritet më për përmirësimin e trajtimit financiar të punonjësve. Përmes një reagimi publik, strukturat e Gardës u kanë bërë thirrje sektorit të financës dhe institucioneve përgjegjëse që të ndërmarrin hapa konkretë për hartimin dhe paraqitjen pranë Ministrisë së Financave të programit të rritjes së pagave për punonjësit e këtij institucioni.
Garda thekson se çështja nuk mund të shtyhet më tej. Sipas tyre, që prej vitit 2001, punonjësit e këtij institucioni nuk janë vlerësuar financiarisht në përputhje me përgjegjësitë që mbartin.
“Në vijim të postimit tonë zyrtar të mëparshme; “Thirrjen për dialog në rritjen e pagës”, i rikujtojmë Sektorit të Financës dhe strukturave përgjegjëse të paraqesin urgjentisht pranë “Ministrisë së Financës”programin e rritjes së pagave për punonjësit e Gardës të detajuara.
Nuk mund të pritet më! Që nga viti 2001, Institucioni i Gardës së Republikës nuk vlerësohet siç duhet. Ajo që historikisht ka qenë një diferencë meritore prej +15,000 lekësh ndaj institucioneve tjera të sigurisë sot është shkrirë, duke cënuar dinjitetin ekonomik të punonjësve tanë.
Pse kjo rritje është e padiskutueshme?
Profesioni ynë është gjithmonë me “vizë të kuqe”: Presioni, gatishmëria dhe vështirësia në shërbimin tonë janë maksimale në çdo sekondë. Zero tolerancë për gabime: Në profesionin tonë NUK DUHET dhe NUK KA KURRË “HERË TË PARË” kur bëhet fjalë për cënimin apo rrezikimin e Personaliteteve të Lara Shtetërore, vendas apo të huaj. Siguria e tyre është imazhi i vetë Shtetit Shqiptar.
Të mbrosh shtetin me jetë kërkon që edhe shteti të të vlerësojë me dinjitet. Presim reflektim dhe hapa konkretë nga strukturat përgjegjëse”,- thuhet në reagim.
