"A mund ta imagjinoni sa hotele do të kisha tani?"/ Kanye West deklaron se duhet të kishte fëmijë me Paris Hilton dhe jo me Kim Kardashian: Kam pasur fëmijë me një ndihmëse...

SHBA- Kanye West bëri bujë duke thënë se duhet të kishte fëmijë me Paris Hilton dhe jo me ish-bashkëshorten e tij, Kim Kardashian. Reperi i njohur e bëri këtë deklaratë gjatë një transmetimi live në Twitch të premten, më 25 prill, i cili u ndërpre papritur. Menjëherë pas kësaj, siç raportohet nga New York Post, West u ndalua nga platforma.

Në klipet e fshira më vonë nga transmetimi i drejtpërdrejtë, West shihet duke folur në telefon me dikë përpara se të përmendte se Kardashian kishte punuar më parë si asistente e Hilton: Kim ishte asistentja e Paris Hilton. Unë duhet të kisha pasur fëmijë me Paris Hilton në vend të Kim Kardashian. A mund ta imagjinoni sa hotele do të kisha tani? Mendoni për këtë. Hiltonët. Gjëja Hilton.

West pastaj iu referua Arnold Schwarzenegger-it dhe fëmijës që i lindi jashtë martese me punëtorin e familjes së tij, Joseph Baena: Nëse jeni si Arnold Schwarzenegger dhe keni një fëmijë me një dado, fuqia e vetme e dado është të marrë fëmijët tuaj. Pra, fuqia e vetme e Kimit është të marrë fëmijët e mi. Kam pasur fëmijë me një ndihmëse...

Komentet e reperit në transmetim erdhën menjëherë pas pretendimeve të tij se Kardashian ia ka “marrë” fëmijët: Pse është bota e famshme, Jay Z, Beyonce, Kendrick Lamar, Rihanna, A$AP Rocky, Trump, Elton John, pse po shikoni të gjithë dhe po e lini Kim të ‘marrë’ fëmijët e mi?

kanye west