"Bie viktimë e shantazhit kur djali i shoferit të tij rrëmbehet.."/ Publikohet traileri i parë i shumëpritur i filmit 'Highest 2 Lowest'

SHBA- Apple dhe studioja A24 kanë publikuar trailerin e parë për filmin “Highest 2 Lowest”, një triller që shënon ribashkimin e shumëpritur të Spike Lee dhe Denzel Washington gati dy dekada pasi ata bashkëpunuan në filmin “Inside Man” të vitit 2006. Filmi do të shfaqet premierë në kinema të caktuara më 22 gusht, e më pas do të shpërndahet globalisht në Apple TV+ më 5 shtator.

Ky është një rikrijim modern i filmit "High and Low" të Akira Kurosawas, i cili është bazuar në romanin "King's Ransom" nga Ed McBain. Ndërsa në veprën origjinale personazhi kryesor është një menaxher fabrike këpucësh i cili bie viktimë e shantazhit kur djali i shoferit të tij rrëmbehet aksidentalisht, në versionin e ri historia zhvillohet në Nju Jorkun modern, me Denzel Washington në rolin e një moguli muzikor i cili përjeton diçka të ngjashme.

Premiera e “Highest 2 Lowest” do të zhvillohet jashtë konkurrencës në Festivalin e Filmit në Kanë 2025, në një moment simbolik, pasi ky vit shënon 36-vjetorin e publikimit të filmit të Lee-së “Do the Right Thing”.