"Duket sikur të kanë futur duart në fyt"/ Celine Dion rrëfen ndikimin e çrregullimit neurologjik tek performancat në skenë: Kam dhimbje...

Celine Dion

SHBA- Këngëtarja e njohur Celine Dion rrëfeu për herë të parë se si sindroma e personit të ngurtë (ngrirë) ndikon tek zëri i saj dhe tek performanca në përgjithësi. Këngëtarja 56-vjeçare diskutoi betejën e saj me çrregullimin e rrallë neurologjik në një intervistë të re me Hoda Kotb.

Dion tha se të këndosh me sindromën e personit të ngurtë është "sikur dikush po të mbyt" dhe të shtrëngon laringun, duke ndikuar negativisht në performancë dhe duke shkaktuar dhimbje muskulore.

Ajo tha se sëmundja mund të prekë gjithashtu barkun, shtyllën kurrizore dhe brinjët e një personi dhe se i ka shkaktuar ngërçe në këmbë dhe duar. Dioni foli publikisht për betejën e saj me sindromën e personit të ngurtë në dhjetor 2022.

Këngëtarja është subjekt i dokumentarit të ri ‘I Am: Celine Dion’, i cili eksploron jetën dhe karrierën e saj, me fokus problemet shëndetësore.

“Po punoj shumë çdo ditë, por duhet ta pranoj, ka qenë një luftë”, tha Dion në trailerin e filmit. "Më mungon shumë skena. Njerëzit, më mungojnë po ashtu.”

‘I Am: Celine Dion’ shfaqet premierë më 25 qershor në Prime Video.

celine dion