Firma amerikane e teknologjisë Amazon njoftoi planet për të investuar 16 miliardë euro (18 miliardë dollarë) në Gjermani n&...
SOCIALE
Gjyqi i Sean 'Diddy' Combs për trafikim seksual e prostitucion/ Justin Bieber tregon publikisht se nuk ka qenë një ndër vitkimat e tij
m.lPërditësimi i fundit 19 Maj 2025, 16:51
SHBA- Justin Bieber ka sqaruar publikisht se nuk ishte viktimë e Diddy-t, pasi reperi i famshëm është në gjyq për akuza të rënda për shfrytëzim seksual, komplot për të kryer zhvatje dhe transport për qëllime prostitucioni. Nëse dënohet, ai rrezikon një burgim të përjetshëm.
Sipas asaj që një përfaqësues i këngëtarit i tha Page Six të enjtes: Ndërsa Justin nuk është një nga viktimat e Sean Combs, ka njerëz që janë dëmtuar vërtet prej tij. Largimi i vëmendjes nga ky realitet shpërqendron vëmendjen nga drejtësia që meritojnë viktimat.
TMZ ishte media e parë që raportoi lajmin, ndërsa vitin e kaluar qarkulluan në internet teori se këngëtari mund të ketë qenë viktimë e Cobbs, pas rikthimit të videove të vjetra të të dyve.
Një nga videot që shkaktoi shqetësim të madh tregon të dy duke diskutuar udhëtimin dy-ditor që do të kalonin së bashku, kur Bieber ishte vetëm 15 vjeç. Në një fragment tjetër, Combs i thotë këngëtarit të atëhershëm të ri ta mbajë sekret përmbajtjen e takimit të tyre.
"Nuk mund ta zbulojmë se ku jemi dhe çfarë po bëjmë, por është padyshim ëndrra e çdo 15-vjeçari", dëgjohet të thotë Combs, tani 55 vjeç.
Pas arrestimit të tij, Combs u akuzua për sulm seksual dhe përdhunim nga ish-partnerja e tij Cassie dhe individë të tjerë. Ai i mohon akuzat.
"Pavarësisht se sa padi ngrihen, veçanërisht nga individë që refuzojnë të japin emrat e tyre pas akuzave - kjo nuk e ndryshon faktin se Combs nuk ka përdhunuar apo trafikuar kurrë, qoftë mashkull apo femër, i rritur apo i mitur", thanë më parë avokatët e tij për Page Six.
Ndërsa reperi lufton një betejë ligjore për të mbrojtur pafajësinë e tij kundër akuzave për formimin e një organizate kriminale, trafikim qeniesh njerëzore, përdhunim dhe abuzim seksual, dalin në dritë foto nga një festë në Ibiza, të cilat u hoqën nga interneti njëmbëdhjetë vjet më parë. Diddy më pas kishte postuar pamje nga ngjarja e natës së 1 gushtit 2014 në llogaritë e tij personale në mediat sociale, përpara se t'i hiqte ato pak më vonë, sipas raportimeve të asaj kohe.
Festa u organizua për të festuar 40-vjetorin e stilistit italian të modës Riccardo Tisci dhe ishte një nga ngjarjet shoqërore më të përfolura të verës. Combs shoqërohej nga partnerja e tij Cassie, e cila tani është një nga gratë që e ka paditur për sulm seksual.
Ndër të ftuarit e famshëm ishin çifti Kanye West dhe Kim Kardashian, të cilët sapo ishin martuar, ndërsa në event mori pjesë edhe Justin Bieber, i cili në atë kohë ishte vetëm 20 vjeç. Riciklimi i këtyre imazheve merr një rëndësi të veçantë në dritën e zhvillimeve në rastin Combs, pasi nxit më tej debatin publik rreth stilit të jetës dhe shoqërive të tij në një kohë kur shumë nga ish-shokët e tij po nxitojnë të distancohen.
