"Më acaroi vërtet dhe nuk..."/ Hilaria Baldwin zbulon më shumë rreth martesës së saj: Alec ishte shumë i lidhur me mendimet e tij! Asnjëri prej nesh nuk tërhiqej...

SHBA- Hilaria Baldwin bëri një rrëfim personal rreth martesës së saj me Alec Baldwin, duke përmendur në librin e saj të titulluar "Manual Not Included" se dikur ata ishin gati të ndaheshin. Siç raporton gruaja e aktorit të famshëm dhe ish-mësuese e jogas, pati një moment në marrëdhënien e tyre kur ajo ishte gati të "largohej" nga martesa e tyre. Periudha më e trazuar për çiftin, siç raportohet në një artikull të Sun, ishte pak para dhe pas lindjes së fëmijës së tyre të dytë, tani nëntëvjeçarit Raphael, në qershor 2015.

Në atë kohë, çifti debatoi shumë për shkak të ngarkesës së punës së aktorit 67-vjeçar, i cili punonte aq shumë saqë madje u përgjigjej emaileve ndërsa Hilaria ishte në sallën e lindjes. 

"Më acaroi vërtet dhe nuk hezitova t'ia tregoja", shkruan gruaja 41-vjeçare e Baldwin në librin e saj, duke shtuar se fakti që ai u kthye menjëherë në punë e bëri të ndihej e pa respektuar.

Ajo kujton: Isha shumë e fiksuar me mënyrën se si mendoja se duhet të ishin gjërat, dhe Aleku ishte shumë i lidhur me mendimet e tij. Asnjëri prej nesh nuk tërhiqej...

Në fakt, duke dashur të theksonte seriozitetin e krizës në martesën e tyre, Hilaria Baldwin pranoi se shkoi deri aty sa e hoqi unazën e martesës.

Çifti, i cili u martua në vitin 2012, përfundimisht arriti t'i kapërcente vështirësitë dhe më pas pati pesë fëmijë të tjerë: Romeo, Eduardo, Maria dhe Ilaria, dhe ata kanë edhe një vajzë më të madhe, Carmen.