Mori 50 mijë euro si dhuratë për pjesëmarrjen në Eurovision, përfaqësuesi kroat bën gjestin human

Baby Lasagna

KROACI- Përfaqësuesi i Kroacisë Baby Lasagna do të marrë 50,000 euro si dhuratë për pjesëmarrjen e tij në Eurovision 2024. Mirëpo këngëtari ka vendosur që këtë shumë parash t'ia dhurojë 2 spitaleve të qytetit të tij.

Në një postim të bërë nga kroati në rrjetet sociale, ai shkruan: Faleminderit qeverisë kroate. Për çmimin prej 50,000 euro. Megjithatë, nuk mund t'i pranoj këto para. Mund të jap shumë arsye, por e para, më e rëndësishmja dhe më e mjaftueshmja është se ka shumë njerëz dhe organizata të tjera që paratë do t'i ndihmojnë shumë më tepër.

Më tej ai shtoi: Kërkoj nga z. Plenkovic që të dhurojë 25.000 euro për Departamentin e Onkologjisë dhe Hematologjisë Pediatrike të Spitalit "Mladen Cepulic" në emrin tim dhe në emër të qeverisë kroate. Përveç kësaj, 25.000 të mbetura do t'i dhuroj Departamentit të Hematologjisë Pediatrike, Onkologjisë dhe Transplantit të Qelizave Staminale Hematopoetike në spitalin "Kbc Zagreb”. Faleminderit.

Baby Lasagna

Biletat për koncertet e kroatit janë bërë virale pasi ai fitoi vendin e dytë në konkursin muzikor. Brenda 12 orësh, biletat për tre shfaqje të tij live u shitën.

Të tria koncertet do të zhvillohen në stadiumin Šalata në Zagreb nga data 12 deri më 14 shtator dhe siç njofton kompania përgjegjëse organizatore, biletat për këtë ambient janë shitur në kohë rekord.

eurovision baby lasagna