Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SOCIALE
"Një lojtar bilardoje me përvojë, që takon..."/ David O. Russell do të sjell filmin e ri 'Shutout' me bashkëprotagonistë Jenna Ortega dhe Robert De Niro
m.lPërditësimi i fundit 6 Maj 2025, 16:15
SHBA- David O. Russell, krijuesi i filmave "American Hustle" dhe "The Fighter", do të bashkëpunojë me Jenna Ortega dhe Robert De Niro në filmin e tij të ri. Në qendër të "Shutout", shkruar nga Alejandro Adams, është Jake Kejeune (De Niro), një lojtar bilardo me shumë përvojë, takimi i të cilit me Mia (Ortega), një lojtare e re dhe e talentuar, do të jetë një pikë kyçe. Jake, duke njohur talentin e saj, vendos ta marrë nën kujdesin e tij, duke shpresuar ta udhëheqë dhe ta shndërrojë në një lojtare të shkëlqyer.
Megjithatë, ndërsa Mia bëhet më e suksesshme dhe ambicia e saj rritet, Jake fillon të pyesë nëse mund ta ndihmojë të qëndrojë besnike ndaj rregullave të lojës apo nëse etja e saj për fitore do ta largojë nga ajo që ka mësuar. Prodhimi është nënshkruar nga regjisori, Joe Roth dhe Jeff Kirshenbaum në emër të RK Films dhe Mark Bobak.
"Jemi shumë të lumtur që po bashkëpunojmë me regjisorin e njohur David O. Russell dhe legjendarin Robert De Niro dhe jemi veçanërisht të emocionuar që e shohim Jenna-n të dalë në qendër të vëmendjes përkrah këtyre dy emrave ikonikë në kinema. Është një mundësi e rrallë dhe emocionuese për të mbështetur një bashkëpunim kaq të nivelit të lartë që bashkon forcat për të treguar një histori bindëse, një kompozim aq i përshtatshëm, saqë ndihet si një ‘zbulim’ i përsosur", tha Kirshenbaum i RK Films.
Sipas Variety, Black Bear do të prezantojë projektin e tij të ri në Tregun e Filmit në Kanë, ndërsa CAA Media Finance po merret me të drejtat e shpërndarjes në Shtetet e Bashkuara.
